62. De sancto Ioseph.

In 1. Vesperis.
Ad Magnificat.

A. Felix matrimonium
Fide, sacramento,
Neque prole vacuum,
Sed flore retento,
Vice - pater, virgo - parens,
Hic et illa labe carens,
Cum honore virginali
Cura sibi coniugali
Mutuo subserviunt
Et dulcem enutriunt
Pari voto filium,
Quorum ministerio
Latens in mysterio
Decepturus inimicum
Veram Deus et antiquum
Perfecit consilium.

Ad Matutinum.
Invitatorium.

Virgo vir intactae

genetricis caelitus actae

Regna tenet vitae,
iubilantes ergo venite.

In 1. Nocturno.
Antiphonae.

1. Ioseph in consilio

Impiorum non abiit,
Virginem cum filio

Ipse virgo dum nutriit.

2. Dum Herodes meditatur

Adversus Christum Domini,

Cum Ioseph peregrinatur
Deus cedens homini.

3. Puer Aegypto susceptus
Per Ioseph reducitur
In Iudaeam, cum correptus
Hostis morte tollitur.

Responsoria.

1. Novus novo generatur

Fructus paradiso,
Qui custodi deputatur

Caelitus proviso,
Quo serpentis elidatur

Dolus, et eliso
Protoplausto succurratur

Hinc recte gaviso.
V. ''Nimis profundae factae sunt
cogitationes tuae, Domine.''

2. Ex Aegypto dum vocavit
Deus pater filium,
Adoptivus hunc portavit

Pater post exsilium
Nazareth, hic habitavit
Flos campi et lilium.
V. ''Bum Archelaus regnaret in
Iudaea, venit Ioseph in Naza-
reth.''

3. Ecce, fabrum patriarcham,
Qui ecclesiae rexit arcam,
Se cum omnibus salvantem
Culpae diluvio
Gratiae cum fluvio,
V. ''Quia iustus atque perfectus in
generatione sua fuit.''

In 2. Nocturno.

Antiphonae.

1. Vere singulariter
Ipse construitur,
Cui coniugaliter
Virgo viro traditur.
2. Regi vero, Deo suo,
Mane Ioseph astitit,
Dum alumnus nato tuo,
Virgo mater, exstitit.
3. Nomen admirabile

Ioseph promulgavit,
Quod prius amabile
Gabriel vocavit.

Responsoria.

1. Hic est, cui nupsit virgo,

Quae mundi fabrum peperit,
Princeps saecli, Deus homo
In quo locum reperit,
V. ''Omnis homo quicunque au-
dierit, congaudebit ei.
''2. Iacob amat ille Liam,
Ioseph diligit Mariam
Dei filio fecundam,
Sed ab omni tactu mundam;
V. ''Hanc amavit et exquisivit sibi
sponsam.''

3. Primus Ioseph alienae

Turpe stuprum renuit,
Hic cum sua florem plenae

Castitatis tenuit,
Ille tunc Aegyptum pavit,

Fame dum occubuit,
Mundo granum hic servavit,

Quod virgo progenuit.

V. Descendit Ioseph in Aegyptum,

fuitque Dominus cum ilio.

In 3. Nocturno.
Antiphonae.

1. In immaculata via
Psallens intellexit,

Qui nascentem de Maria
Regem regum rexit.

2. Magna huius gloria
Est in salutari
Omnique memoria
Digna celebrari.

3. Innocens hic manibus
Vir et mundo corde
Sanctum celat canibus
Partum sine sorde.

Responsoria.

1. Hic in rubo Deum cernit,
Quem non laesit iguis,

Dum discalceatus sternit
Carnem vir insignis,

Virgo servans virginem

Deum videt hominem
Et Mariam sine viro
Parientem modo miro.
V. Vidit, quod arderet rubus et

non combureretur.

2. Adest Aaron secundus,
Cuius frutex fit fecundus
Prius arens, dum fit parens
Virgo viro carens.
V. ''Ascendit sicut virgula coram
eo et sicut radix de terra si-
tienti.''

3. Saliunt in montibus

Ioseph et Maria
Nuptiis insontibus,

Regit arte pia
Sese dulcis pusio,
Quam suavis allusio
Cordi Ioseph fuit illa,
Verbum caro dum pusillo,
Nunc ad eum vice-patrem
Nunc, ad sanctam repsit ma-
trem
Per virgineas cervices
Gratas alternando vices.
V. C''or et caro eius exsultaverunt
in Deum vivum.''

In Laudibus.

Antiphonae.

1. Ioseph in cubiculo
Dominus regnavit,
Ubi mundo speculo
Lectum praeparavit.

2. Caeli Domino servivit
Ioseph in laetitia,
Cuius prolem Deum scivit
Integra fiducia.

3. Iste Dei gloriam
Vidit et virtutem,
Cuius ipse floridam
Pavit iuventutem.

4. Sancti benedicite

Domino et humiles,
Quem parentes caelibes
Vita sonent pariles.

5. Laudet iam christiferum
Ioseph plebs fidelis,
Qui nutrivit puerum
Dominum in caelis.

Ad Benedictus.

A. Nobis cornu dum salutis

Dominus erexit,
De domo David virtutis

Vir Iesseus surrexit,
Servans lesse virgulam,
Floris novi gerulam,
Cui sic sanctitate

Servivit et iustitia,
Quod divinae prolis natae
Integra virginitate
Illa matris, isti patris

Praeest diligentia.

In 2. Vesperis.
Ad Magnificat.

A. Magnificat Dominum
Sancti Ioseph anima,
Qui salutem hominum
Cura fovit maxima,
Nam in ventre matris iste
Nazaraeus tibi, Christe,
Consecratur et notatur,
Quem nec mater virginalis
Horreat nec puer talis.

Iahre 1632:

R. Illustris patriarcha Ioseph, David alta propago,
Virgineo splendore micans custosque Mariae,
Testis virginei partus Christique nutritor,
Conscie mysterii, quod nescivere priora
Saecula, tu patris aeterni verbum caro factum
Gestasti manibus, tibique subditus ultro
Dignatus fieri, nutu qui temperat orbem;

V. Quaesumus, intendas precibus miserosque benigne
Inspice nos oculis, quos tot discrimina turbant.