Congregatio de Causis Sanctorum 409

bat ad excitandam consociatam laicorum industriam, permovens eos ad pro-

positum responsalitatis maxime in utilitatem dignitatis cuiusque personae,

operis, matrimonii familiaeque: ita authenticum perhibetur testimonium pro-

pheticum coram christiana communitate et humana societate.

Triginta et octo annis vix expletis, tuberculosi afflictus, pie in Domino

obdormivit die 14 mensis Augusti anno 1900 in pago Thomaston in Civitate

Connecticutensi, ubi parochi munus exercebat.

Ob diffusam sanctitatis famam, quae praesertim post eius mortem grada-

tim crescebat, a die 18 mensis Decembris anno 1997 ad diem 6 mensis Martii

anno 2000, in archidioecesi Hartfortiensi Inquisitio Dioecesana est instructa,

cuius iuridica auctoritas per decretum diei 14 mensis Aprilis anno 2000 a

Congregatione de Causis Sanctorum est recognita. Parata Positione, discep-

tatum est, ad suetas normas, an Servus Dei virtutes heroico modo exercuerit.

Die 12 mensis Februarii anno 2008 Peculiaris Consultorum Theologorum

Congressus positivo cum exitu habitus est. Die 11 mensis Martii anno 2008

Patres Cardinales et Episcopi in Sessione Ordinaria, Ponente Causae Excel-

lentissimo Domino Petro Georgio Silvano Nesti, C.P., Archiepiscopo em.

Camerinensi - Sancti Severini in Piceno, edixerunt Servum Dei Michaëlem

McGivney virtutes theologales, cardinales iisque adnexas heroicum in mo-

dum excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Michaëlis

McGivney, Presbyteri Dioecesani et Fundatoris Ordinis Fraterni v.d. « The

Knights of Columbus », in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A. D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis