Acta Benedicti Pp. XVI 745

cum altari, ita ut etiam visibiliter theologicum significet sensum geminae

mensae et Verbi et Eucharistiae. Ex ambone lectiones, psalmus responsorius

atque Praeconium paschale proclamantur; ibidem proferri possunt homilia

et oratio universalis.239

Praeterea Synodales Patres proponunt ut in ecclesiis conspicuus adsit

locus in quo sacra Scriptura etiam extra celebrationem collocanda sit.240

Oportet revera ut volumini, quod Verbum Dei continet, visibilis et

praestans locus sit in templo christiano, quin neglegatur primarius locus

qui spectat ad tabernaculum Sanctissimum Sacramentum continens.241

e) Exclusivum textuum biblicorum ius in liturgia

69. Synodus praeterea alacriter declaravit id quod, ceterum, iam a nor-

ma liturgica Ecclesiae institutum est,242 nempe ut lectiones videlicet ex sacra

Scriptura depromptae numquam aliis textibus sint substituendae, quamvis si-

gnificantiores sint sub aspectu pastorali et spirituali: «Nullus enim est textus,

qui de spiritualitate de humanisve litteris depromptus, virtutem et divitias

sacrae Scripturae, quae est Verbum Dei, inhaerentes attingere valeat ».243

Agitur de quadam antiqua Ecclesiae dispositione quae servanda est.244 Prae

quibusdam abusibus, iam Summus Pontifex Ioannes Paulus II gravitatem

memoravit sacras Scripturas nullo umquam tempore pro aliis lectionibus

substituendi.245 Memoria teneamus etiam Psalmum responsorium Verbum

esse Dei, per quem Domini voci respondemus et hanc ob rem pro aliis texti-

bus substitui non debet; valde tamen opportunum est eum in cantu exsequi.

f) Cantus liturgicus biblice inspiratus

70. Ad valorem Verbi Dei quod attinet in celebratione liturgica, cantus

quoque in momentis a proprio ritu praevisis est ponderandus, cantum clarae

239 Cfr. Institutio Generalis Missalis Romani, 309. 240 Cfr. Propositio 14. 241 Cfr. Benedictus XVI, Adhort. ap. postsynodalis Sacramentum caritatis (22 Februarii

2007), 69: AAS 99 (2007), 157. 242 Cfr. Institutio Generalis Missalis Romani, 57. 243 Propositio 14. 244 Cfr. canon 36 Synodi Hipponensis anni 393: DS, 186. 245 Cfr. Ioannes Paulus II, Litt. ap. Vicesimus quintus annus (4 Decembris 1988), 13: AAS 81

(1989), 910; Congregatio de Cultu Divino et Disciplina Sacramentorum, Redemptionis sacramen-

tum. Instructio de quibusdam observandis et vitandis circa sanctissimam Eucharistiam (25

Martii 2004), 62: Ench. Vat. 22, n. 2248.