Congregatio de Causis Sanctorum 303

Post suppressionem conventuum et dissolutionem vitae religiosae a re-

gimine communistarum in Hungaria anno 1950 facta, P. Marcellus, in ipsa

sua patria quasi in exilio vixit, nam publicae securitatis magistratus eum

indesinenter persecuti sunt. Nihilominus, immo eo vel magis, difficillimis illis

temporibus P. Marcellus cunctis ad se accurrentibus solatio erat, clam apud

se (nam publice hoc facere iam vetitum erat) confitentium animos erexit,

quocumque modo vexatos supernaturali fortitudine firmavit. Sacram Eucha-

ristiam, meliori quo potuit modo, clam vero semper, iuxta circumstantias

illorum tristium temporum, quotidie celebrare sategit. Multa totius vitae

cursu exemplari patientia perpessus est. Acerrimos morbi laetalis dolores

plena voluntati Dei submissione susceptis, die 29 mensis Maii anno 1966,

in nosocomio publico Budapestinensi Baleseti Kórház, piissime in Domi-

no obdormivit. Sepulchrum eius usque ad hodiernam diem ab innumeris

frequentatur fidelibus qui, in difficultatibus vitae, ad eum suas dirigere

petitiones consuescunt.

Permanente et percrescente in dies fama sanctitatis Servi Dei, ab anno

1999 usque ad annum 2003 apud Curiam ecclesiasticam Strigoniensem-Bu-

dapestinensem Inquisitio dioecesana habita est, cuius auctoritas probata a

Congregatione de Causis Sanctorum Decreto diei 28 mensis Octobris anno

2005. Positione parata, disputatum est secundum soliti moris rationem num

animo vere heroico Servus Dei virtutes exercuisset. Congressus Peculiaris

Consultorum Theologorum prospero cum exitu habitus est die 3 mensis

Martii anno 2012. Patres Cardinales et Episcopi in Sessione Ordinaria, cui

ego, card. Angelus Amato, die 5 mensis Novembris 2013 praefui, professi

sunt Dei Servum in theologalibus, cardinalibus eisque adnexis virtutibus

exsequendis fastigium heroicitatis attigisse.

Facta demum de hisce omnibus rebus Summo Pontifici Francisco per

subscriptum Cardinalem Praefectum accurata relatione, Sanctitas Sua, vota

Congregationis de Causis Sanctorum excipiens rataque habens, hodierno die

declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tem-

perantia et Fortitudine, iisque adnexis, in gradu heroico, Servi Dei Marcelli

a Virgine Carmeli (in saec.: Balthasaris Marton), Sacerdotis Professi Ordinis

Carmelitarum Discalceatorum, in casu et ad effectum de quo agitur.