65. De sancto Meneleo.

A d Matutinum.
Invitatorium.

Regem supremum

trinum veneremur et unum
Qui veram sancto

vitam tribuit Meneleo.

In 1. Nocturno.
Antiphonae.

1. Pareutum prolem inclitam
Sanctus Meneleus suam
Honestavit meritorum
Et multis signis virtutum.

2. Relicto patre et matre
Viarum Dei amore
Magna gratias merita
Morum ornavit doctrina.

3. Innocentis vitae custos
Conjugii respuit nodos,
Et castus subarrhat castam
Sensam vocabulo sponsam.

4. Dominicae visionis
Vocem audiens fidelis
Andegavos linquit fines,
Arvernenses quaerit sedes.

5. Susceptas a Theofredo,
Magnae sanctitatis viro,
Sui voti causas monstrat
Et salutis vias captat.

6. Congregationi superum
Hunc sociat Dei virum
Eudo abbas inclitus,
Gratia qui Dei plenus.

Responsoria.

1. Ortus magnorum

clara de stirpe virorum
Claruit eximius

cultor Christi Meneleus,
V. Nobilitate cluens

morum probitate refulsit.
2. Septennis pueri

pia mens famulans deitati,
O res miranda,

patrem matremque reliquit,
V. Jam tunc, Christe Deus,

tua jussa sequens Meneleus.

3. Diro carnalis

cruciatus verbere patris
Perstitit infractus
divino flamine tactus,

V. Quamvis imbellis

nullis cedendo flagellis.

4. Illecebras carnis

viri subdens rationis
Conjugis amplexus

celebris sprevic Meneleus,
V. Ut liber Christo

serviret pectore casto.

In 2. Nocturno.

Antiphonae.

1. Angelico jussu discit,
Quod Deus facere vellet
Domum sibi complacitam,
Orationi congruam.

2. Terroris non curans minas
Ore Baronti profusas,
Invictus miles perstitit,
Catervas militum fregit.

3. Pro responsis sancti viri
Tristis animus Baronti,
Evaginat ensem secus,
Quem perdit caecus, contractus.

4. Cognita comissi culpa
Barontus promittit vota,
Dehinc vitam emendare
Et Dei virum dotare.

5. Arvernensis episcopus,
Beatus Eusebius,
Theofredus, abbas felix,
Hunc consecrant donis sanctis.

6. Clericatus officium

Sanctus Meneleus dignum
A sanctis suscepit viris,
Omni honore con dignis.

Responsoria.

1. Christum mente gerens

et gressibus ejus inhaerens
Terrea postposuit
coelestia sola petivit,

V. Flagrans divinae

speciei prorsus amore.

2. Angelus aetberea

splendens directus ab aula
Alloquitur sanctum

repetendo ter Meneleum,
V. Pandens secessum

divinis cultibus aptum.

3. Princeps insanus

turbatus mente Barontus
Desipit amissae

deflens dispendia natae,
V. Quam tibi, Christe, tuus

lucratus erat Meneleus.

In 3. Nocturno.

Ad Cantica.

A. Athleta fortis, Menelee,
Precamur feras preces
Nostras super sidera,
Quo mereamur adipisci
Dei dona te favente
Per aeterna saecula.

Responsoria.

1. Missus ab aetherea

coelestis nuntius aula
Sollicitum sancti

mentem solidat Menelei,

V. Pandens secessum

divinis cultibus aptum.

2. Inclite confessor

Christi, Menelee beate,
Nostra piis precibus

dele delicta, rogamus,
V. Ut Christo tecum

laeti sociemur in aevum.

3. Post consummatum

regali tramite cursum
Coelo susceptus
regnat per saecla beatus,

V. Aeterna vita

summa mercede recepta.

In Laudibus.
Antiphonae.

1. Gaudeat in caelis

chorus et plebs cuncta fidelis,
Cantica digna Deo

pro sancto dans Meleneo,
Qui bene ditatus

regnat super astra locatus.

2. Nexibus uxoris

praeponens lucra pudoris,
Se Domino vovit,

cui virgo vivere vovit.

3. Corpore dum fragili
certaret mente virili
Terrea calcando,

divinis invigilando,
Angelus, ut solitum,
reddit de fine peritum.
4. Discipulos mane

vocat et te, Saviniane,

Ne ruat in mortem,

dixit, tibi mando cohortem,
Sic Deus ipse poli

mandavit, linquere noli.

5. Fratribus hortatis

sumptoque cibo pietatis
Inquit: adesto, Deus,

venio tuus en Meneleus ;
Viscera tunc finit,

et ad aethera spiritus ivit.

Ad Benedictus.

A. O pater insignis,

virtutis et inclite signis,
O sacer et Christi

decus o, qui virgo fuisti,
Nos tibi devotos

Atque frui vita

coeli, Menelee, cupita.