Acta Apostolicae Sedis - Commentarium Officiale226

roribus Publicae Iustitiae committebantur, quaeque e familiis in discrimine

versantibus et e publicis viis proveniebant. Sorores catechismum docebant

apud carceres et succurrebant mulieribus iuvenibus iisque in carcere detentis.

Serva Dei professionem emisit apud Pias Dominas Reparatrices die 25 mensis

Octobris anno 1868, quarum habitum et Regulam assumpsit.

Venetiis moderatrix domus ad vitam permansit, magni a patre Salerio ac

plurimi a suis consororibus aestimata.

Ibidem sanctitatis, sapientiae et benignitatis fama fruebatur, ita ut sa-

cerdotes quoque et praelati adirent eam consilium petituri. Ipsa tamen nihil

aliud se reputavit nisi instrumentum in Dei esse manibus. Eius spiritualis

vita summa fide, ferventissimo amore erga Iesum Eucharisticum, cotidianis

actibus amoris et reparationis, magna oboedientia est intexta; semper subiec-

ta mansit Rev.mo D.no Canal, presbytero Salerio et moderatrici domus Me-

diolanensis, ad quam uti simplex soror recurrebat.

Silentium praedilexit, modestiam, abditam vitam; ac de se ipsa loqui

detestabatur. Serva Dei ita circumstantium animos permovebat ut eam pu-

tarent mulierem nimis inornatam et vulgarem: «Humilitas ex moribus eius

translucebat, semper dimissis et eo simplicibus, ut studium quiddam appa-

reret se tamquam animo deficientem ostendendi, ad dotes mentis cordisque

velandas, quibus revera fruebatur ». Profundior autem eius cognitio faciebat

ut magnitudo virtutis non communis in lucem proferretur.

Ob antiquum morbum in dies ingravescens, Serva Dei Venetiis obiit die 3

mensis Octobris anno 1887, fortiter complorata ac veneratione ornata Lacu-

nari in Urbe, ubi diutinos per annos omnes suis miris virtutibus aedificaverat,

praesertim humilitate et caritate, quae profundo adorationis et reparationis

spiritu fulciebantur.

Fama sanctitatis qua Dei Serva in vita fruebatur, post eius mortem con-

firmata est. Anno 1926 exuviae Servae Dei e coemeterio Sancti Michaëlis sunt

translatae in aversam partem Cappellae Sancti Vultus apud Institutum «Ca-

nal-Marovich », ubi sepultum quoque fuerat corpus Rev.mi D.ni Canal.

Processus dioecesanus inceptus est die 17 mensis Iulii anno 1926 et con-

clusus die 30 mensis Aprilis anno 1951. Die 27 mensis Ianuarii anno 1962

editum est Decretum super scriptis. Validitas Inquisitionis dioecesanae per

decretum Congregationis de Causis Sanctorum die 16 mensis Decembris anno

1988 est confirmata. Deinde peracta est Inquisitio suppletiva super fama

sanctitatis a die 30 mensis Septembris ad diem 31 mensis Octobris anno

1992; huius Inquisitionis validitas approbata est die 19 mensis Februarii