Acta Apostolicae Sedis - Commentarium Officiale746

biblicae inspirationis provehendo, qui per verborum et artis musicae conso-

nantiam Verbi divini pulchritudinem exprimere valeat. Hoc in contextu

opportunum est ut vis conveniens tribuatur illis cantibus quos traditio

Ecclesiae nobis praebuit quique hoc criterium observant. Peculiarem mentem

ad Cantus Gregoriani pondus vertimus.246

g) Peculiaris sollicitudo erga non videntes et non audientes

71. Ad rem quod attinet peculiarem etiam sollicitudinem memorare

velimus quam Synodus habendam commendavit de omnibus qui ob proprias

condiciones difficultates habent ut active liturgiam participent, uti exempli

gratia de iis non videntibus et non audientibus. Quantum fieri potest,

christianas hortamur communitates ut aptis cum instrumentis subveniant

illis fratribus et sororibus qui hanc patiuntur difficultatem, ut etiam illis

facultas concedatur vivam necessitudinem iungendi cum Verbo Domini.247

Verbum Dei in vita ecclesiali

Occurrendum Verbo Dei in sacra Scriptura

72. Cum verum sit liturgiam spatium esse privilegiarium ad proclaman-

dum, audiendum et celebrandum Verbum Dei, verum etiam est hunc occur-

sum in cordibus fidelium parandum esse ac maxime iisdem altius percipien-

dum et appropriandum. Revera vita christiana essentialiter occursu cum Iesu

Christo signatur qui nos vocat ad Ipsum sequendum. Quam ob rem Synodus

Episcoporum saepenumero in lucem protulit pondus pastoralis navitatis in

christianis communitatibus veluti apti spatii in quo personale agendum est

iter et communitarium erga Verbum Dei, ita ut id spiritalis vitae fundamen-

tum revera exstet. Simul cum synodalibus Patribus vivum desiderium expri-

mimus ut « oriatur tempus novum ad amorem sacrae Scripturae ab omnibus

sodalibus Populi Dei ardentius exhibendum opportunum, ut orante et fideli

lectione, tempore progrediente, profundior fiat relatio, qua credentes ipsius

Iesu personae adstringuntur ».248

246 Cfr. Conc. Oecum. Vat. II, Const. de Sacra Liturgia Sacrosanctum Concilium, 116; Insti-

tutio Generalis Missalis Romani, 41. 247 Cfr. Propositio 14. 248 Propositio 9.