Acta Apostolicae Sedis - Commentarium Officiale608

Hoc autem decretum publici iuris fieri et in Acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

RATISBONENSIS

Beatificationis et Canonizationis Servi Dei Bernardi Lehner, Christifidelis Laici

(1930-1944)

DECRETUM SUPER VIRTUTIBUS

« Spera in Domino et fac bonitatem, et inhabitabis terram et pasceris in

fide » (Ps 36, 3).

Hoc versu humana et spiritualis contrahitur vicissitudo Servi Dei Bernar-

di Lehner, qui vivido ac constanti proposito eminuit Domini voluntatem

servandi ut illam « terram incolere » posset quae est plena communio cum

Ipso. Terrestre eius iter breve exstitit, sed mutatum est in amoris hymnum

erga Deum et in tribulationum eius oblationem tam pro bono proximi quam

pro peccatorum conversione.

Servus Dei in pago vulgo Herrngiersdorf, ex Bavaria in Germania, die 4

mensis Ianuarii anno 1930 ortum habuit ex artifice familia et profunda chri-

stiana fide suffulta. A patruo suo baptizatus est in paroeciali templo proximi

vici vulgo Semerskirchen. Hic enim scholas primarias frequentavit et anno

1939 primum accessit ad Eucharisticum Convivium: hac quidem oblata oc-

casione desiderium manifestavit sacerdotium amplectendi. Itaque, duobus

post annis Ratisbonae admissus est in Seminarium Minus loci Obermunster.

Brevi tamen decurso tempore, aedificium expropriationi subiectum est et a

nazistis occupatum ad usum militum, quapropter Bernardus simul cum

ceteris tironibus coactus est Institutum relinquere. Ut studia pergere posset,