128 Acta Apostolicæ Sedis - Commentarium Officiale

post peractis gravior valetudinis condicionum eminuit corruptio, quae pa-

rentes medicosque magna affecit sollicitudine, cum trepidam puer ponderis

patefaceret amissionem. Alia porro peremptoria signa, sicuti purioris san-

guinis proditio, medicis persuaserunt coram intestini ad virus pertinentem

inflammationem esse, cuius ignorabant causam; clinicae tamen recognitiones

instrumentis etiam peculiaribus confectae adeo magnae nitri praesentiam

exhibuerunt copia, ut sententia suspicati tumoris surrenalis diceretur com-

probata. Examen coli fibrarum opticarum instructum, in mensem Februarii

anno 1999 dispositum, dilatum est, cum infirmus interdum utriusque auris

inflammatione correptus esset.

Tantis in difficilibus dolendisque adiunctis, Sorores duae Pauperes Sancti

Francisci ab Adoratione Perpetua, quas mater pueri certiores fecerat, una

gradualiter cum sociis Sororibus aliisque christifidelibus, inter quos pue-

ruli erant parentes, novendialibus supplicationibus ad divinum confugere

statuerunt auxilium, ut per Venerabilis Servae Dei Fundatricis intercessio-

nem infirmuli a Domino impetrarent sanationem. Qui vero, die 22 mensis

Februarii, pridie praescripti coli examinis, ex inopinato convaluit, summa

cum propinquorum et infirmis ministrantium admiratione propter miram

valetudinis repentinam et completam refectionem. Profecto clinicae per-

scrutationes, quae etiam insequentibus annis peractae sunt, refectam pueri

valetudinem omnino recognoverunt.

Continuatio temporis clarissime patuit, sicut et nexus inter invocatio-

nem Venerabilis Servae Dei et pueri sanationem, qui exinde optima gaudet

valetudine normalesque vitae consuetudines gerit.

De hac mira habita sanatione apud Tribunal Curiae Episcopalis Colora-

tensium Fontium anno 2001 Inquisitio dioecesana acta est, cuius auctoritas

et vis iuridica a Congregatione de Causis Sanctorum Decreto diei 30 mensis

Novembris eodem anno probatae sunt. Acta dein collecta examini et iudicio

Dicasterii Medicorum Collegium subiecta sunt, quod in Sessionibus diei 10

mensis Iunii et diei 1 mensis Decembris anno 2012 sanationem rapidam,

completam et duraturam, necnon inexplicabilem secundum hodiernam scien-

tiam medicam fuisse affirmavit. Die 6 mensis Octobris anno 2012, Congres-

sus Peculiaris Consultorum Theologorum prospero cum exitu factus est ac,

die 15 mensis Ianuarii anno 2013, Sessio Ordinaria Patrum Cardinalium

et Episcoporum, cui egomet ipse Angelus Cardinalis Amato praefui, et in