336 Acta Apostolicæ Sedis - Commentarium Officiale

ALBAE REGALENSIS

Beatificationis et Canonizationis Servae Dei Mariae Margaritae Bogner Monialis

Professae Ordinis Visitationis (1905-1933)

DECRETUM SUPER VIRTUTIBUS

« Quoniam tu es exspectatio mea, Domine; Domine, spes mea a iuventute

mea. Super te innixus sum ex utero, de ventre matris meae tu es susceptor

meus: in te laus mea semper » ( Ps 71, 5-6).

Summa cum efficacia haec antiqui psalmistae laudatio conversationem

spiritualem Servae Dei Mariae Margaritae Bogner enarrat, quae omnino

fideli ac firmo studio innixa voluntatis Dei instanter adimplendae vixit

et, sive morbum sive mortem fidenter et mira animi aequitate oppetens,

semper Dominum habuit coram hostiamque sese pro animarum fecit salute.

Serva Dei die 15 mensis Decembris anno 1905 nata est in vico Melentio

prope Torontalium in Hungaria. Inde a pueritia indolem ostendit hilarem

atque argutam. Dum decimum agebat aetatis annum, gravi scarlatinae genere

correpta est, quae periosteum coxarum usque ad pedis inertiam aegre fune-

stavit. Hanc propter corporis infirmitatem, quae eam porro in perpetuum

comitata est, Serva Dei lecto iacere decem menses coacta est, nihilominus

puellam se exhibuit patientem et serena permansit. Haec autem dolenda

adiuncta profundam in ea et peculiarem devotionem erga Iesum patientem

suscitaverunt.

Anno 1923, Margarita exercitiis spiritualibus interesse valuit, quae Pa-

ter quidam e Sociatate Iesu gessit, dein moderator eius spiritualis factus.

Exercitatio illa una cum spiritualitatis Sancti Ignatii de Loyola revelatione

et pietate erga Sacratissimum Cor Iesu et Virginem Mariam, ardorem in ea

auxit viae sanctitatis sedulius pulsandae vocationisque diligentius exquiren-

dae. Infirmitatis causa, Serva Dei e pluribus Institutis reiecta est, a quibus

petierat, ut in religionem admitteretur. Tandem, anno 1927, monasterium

Ordinis Visitationis Turnfeldense in Tirole ingressa est. Anno sequenti, pars

Congregationis, e qua Margarita ipsa erat, missa est Erfium in Hungaria, ut

novum fundaret monasterium. Ibique, die 16 mensis Maii anno 1929, Serva