376 Acta Apostolicae Sedis - Commentarium Officiale

pus, ultra temporis detrimentum, numquam desinat aliquo modo significare

illam personalem indolem, quae cor cepit. Cum alii iam non possunt pul-

chritudinem eiusmodi indolis agnoscere, coniux amore captus adhuc amoris

instinctu eam percipere valet, et ab affectu non recedit. Suum confirmat

consilium ad eam pertinendi, eam iterum eligit et eiusmodi electionem per

propinquitatem fidelem et teneritate plenam significat. Nobilitas eius consilii

erga eam, cum sit vehemens altaque, novam concitat formam animi motus

in coniugali missione adimplenda. Nam « motus ab alia persona inductus […]

per se ipsum ad actum coniugalem non tendit ».174 Alias sumit sensus signi-

ficationes quia « amor denique unica res est, variis quamvis cum aspectibus;

unus interdum vel alius aspectus magis emergere potest ».175 Vinculum novos

invenit modos et deliberationes postulat rursus usque id sumendi ut firmius

constituatur. Non solum tamen ut servetur, sed ut crescat. Est iter in dies

sese aedificandi. Sed nihil fieri potest nisi Spiritus Sanctus invocatur, nisi

singulis diebus clamatur eius rogando gratiam, nisi eius vis supernaturalis

requiritur, nisi ab eo sollicite petitur ut suum ignem super nostrum effundat

amorem ad eum roborandum, dirigendum et in unaquaeque nova condicione

transformandum.

caput quintum

amor factuS fEcunduS

165. Amor semper fert vitam. Proinde, coniugalis amor non « expletur

omnino intra ipsum par coniugum […] coniuges, inter se dediti, ultra se

donant filium ipsum, sui viventem amoris imaginem, perpetuum unitatis

coniugalis signum necnon comprehensionem vivam et indissolubilem sui

status, ex quo sunt pater et mater ».176

noVam rEcipErE Vitam

166. Familia est locus non modo generationis, sed etiam receptionis

vitae, quae tamquam donum Dei procedit. Omnis vita nova « permittit, ut

rationem gratuitissimam amoris comperiamur, quae vero incessanter admi-

174 ioannES pauluS ii, Catechesis (31 Octobris 1984), 6: Insegnamenti VII, 2 (1984), 1072. 175 BEnEdictuS XVi, Litt. Enc. Deus caritas est (25 Decembris 2005), 8: AAS 98 (2006), 224. 176 ioannES pauluS ii, Adhort. Ap. Familiaris consortio (22 Novembris 1981), 14: AAS 74

(1982), 96.