1024 Acta Apostolicae Sedis - Commentarium Officiale

et necessitates veterum et novorum fratrum. Sensus concretae actionis,

quod christianorum in saeculo munus proprium videtur, in vita Helenae

da Persico etiam in politica sollertia inveniebatur. Serva Dei provincialis

consiliaria Veronensis Democratiae Christianae et curatrix rei municipalis

pagi v. d. Affi electa est.

Serva Dei, industriae et sedulitatis longa vita probata, die 28 mensis

Iunii anno 1948 in Domino pie sopivit. Inscriptio in paroecia oppidi Affi,

quae mortalium eius exuviarum thecam signat, sic dicit « Helenae da Persico

Christi operariae ».

Fama sanctitatis a die 28 mensis Iunii anno 1963 ad diem 1 mensis

Februarii anno 1969 iuxta Curiam Veronensem Processus Ordinarius In-

formativus celebratus est, cuius iuridica validitas ab hac Congregatione

per Decretum diei 8 mensis Novembris anno 1996 est approbata. Exarata

Positione, secundum canonicas normas, disceptatum est an Serva Dei heroi-

cum in modum virtutes excoluisset. Die 18 mensis Septembris anno 2013,

positivo cum exitu, Peculiaris Congressus Consultorum Theologorum habitus

est. Patres Cardinales et Episcopi Ordinaria in Sessione die 1 mensis Iulii

anno 2014 se congregaverunt, me Cardinale Angelo Amato praesidente, et

agnoverunt Servam Dei heroicum in modum virtutes theologales, cardinales

et adnexas excoluisse. Facta demum de hisce omnibus rebus Summo Ponti-

fici Francisco per subscriptum Cardinalem Praefectum accurata relatione,

Sanctitas Sua, vota Congregationis de Causis Sanctorum excipiens rataque

habens, hodierno die declaravit: Constare de virtutibus theologalibus Fide,

Spe et Caritate tum in Deum tum in proximum, necnon de cardinalibus Pru-

dentia, Iustitia, Temperantia et Fortitudine, iisque adnexis, in gradu heroico,

Servae Dei Helenae da Persico, Fundatricis Instituti Saecularis Filiarum

Reginae Apostolorum, in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 8 mensis Iulii a.D. 2014.

aNgeLuS Card. amato, S.D.B. Praefectus

L. G S.

G marCeLLuS BartoLuCCi Archiep. tit. Mevaniensis, a Secretis