66. De sancta Helena.

In 1. Vesperis.
Super Psalmos.
A. Lignum verum Dominicum
Despecto jacens loculo
Acquisivit divinitus
Helena cum miraculo.
Ad Magnificat.
A. Gaude, felix mater ecclesia,
Adsunt tibi magna solemnia,
Nam dilecta Domini Helena
In coelesti locatur gloria;
Plaude, tota Christi familia,
Tantae laudis agens memoriam.

Ad Matutinum.

Invitatorium.

Regem regem collaudemus
In saeculorum saecula

Inventrici suae crucis
conferentem gloriam.

In 1. Nocturno.
Antiplionae.

1. Constantinus vir Domini
Matri transmittit Helenae
Fide pollens altissimi,
Ut crucem Christi quaereret.

2. Lignum venerabile
Helena quaerendo
Judaeos Incendere
Jubet comminando.

3. Judaei Increduli
Judam audientes
Prodeunt laetissimi
Hoc annuntiantes.

Responsoria.
1. Fide pollens beata Helena,
Dum devote crucem desiderat,
Judam vocat promittens varias
Mortis angustias

V. Judae Incredulo minatur Helena
In lacu posito promittens varias
Mortis angustias.

2. Dum Judas stetit Incredulus
Nil degustans diebus plurimis
Clamat dicens, ut Ipsum ex-
trahat,
Quem fames cruciat;
V. Nam compunctus precibus He-
lenae
Manifestat hoc Dei famulae.

3. Gloriosa hujus solemnitas,
In qua Christi patet benig-
nitas,
Currunt sanctae Helenae ob-
viam
Laudantes gloriam.
V. Nam dilectam Dei famulam
Triumphalis sumpsit societas.

Ad Laudes.

Antiphonae.

1. Adest dies laetitiae,
In qua crucis dominicae
Sancta inventrix Helena
Assumpta est In gloria.

2. Vitae suae terminum
Antequam compleret,
Festum hoc magnificum
Voluit habere.

8. Judas Dei famulus
Nomine vocatus
Fuit tunc episcopus
Cum hoc ordinatus.

4. Cyriacus nomine
Post hoc est vocatus
Plenus sacro flamine
Multa dispensavit.

5. Gloriam coelestium
Intrans beatorum
Deum haec familia
Laudat salvatorem.

Ad Benedictus.

A. Constans Christi famulaHelena
Adspirante divina gratia
Digna fuit corpore posita,
Invenire crucem Dominicam.

In 2. Vesperis.
Ad Magnificat.

O quam felix domina,

Quam Deo devota,
Per quam crux Dominica

Omnibus est nota.
Ipsam sapientiam

Prolem Dei patris
Tuis sanctis precibus

Placare Ingratis.