Congregatio de Causis Sanctorum 529

heroico in gradu, exercuisset. Die autem 6 mensis Novembris anno 2009,

habitus est, favorabili quidem cum exitu, Congressus Peculiaris Consultorum

Theologorum. Amplissimus denique Purpuratorum Patrum et Antistitum

coetus, in Sessione Ordinaria, quae die 18 mensis Ianuarii hoc anno 2011

gesta est, audita relatione Exc.mi D.ni Edmundi Farhat, Archiepiscopi titulo

Biblensi, Causae Ponentis, agnovit hanc Dei Ancillam theologales, cardinales

iisque adnexas virtutes, et eas quidem heroico in gradu, exercuisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servae Dei Mariae Clarae

a Sancta Teresia a Iesu Infante (in saec.: Vincentiae Damato), Monialis Pro-

fessae ex Ordine a S. Clara Assisiensi, in casu et ad effectum de quo agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis

MATRITENSIS

Beatificationis et Canonizationis Ven. Servae Dei Mariae Catharinae Irigoyen

Echegaray (in relig.: Mariae a Desponsatione), Sororis Professae Instituti Serva-

rum Mariae Infirmis Ministrantium (1848-1918)

DECRETUM SUPER MIRACULO

Venerabilis Serva Dei Maria Catharina Irigoyen Echegaray die 25 mensis

Novembris anno 1848 Pampelone, in Navarra Hispaniae, nata est. Iuventutis

periodo munus exercuit praesidis Associationis Filiarum Mariae, in qua