Congregatio de Causis Sanctorum 305

ALBAE POMPEIENSIS

Beatificationis et Canonizationis Servae Dei Mariae Scholasticae (in saeculo: Ur-

sulae Mariae Rivata) Religiosae Professae et Primae Antistitae Generalis Piarum

Discipularum a Divino Magistro (1897-1987)

DECRETUM SUPER VIRTUTIBUS

« Nisi granum frumenti cadens in terram, mortuum fuerit, ipsum solum

manet: si autem mortuum fuerit, multum fructum affert » ( Io 12, 24).

Imitatio Divini Magistri, vitam eucharisticam degere, exemplum grani

frumenti sequi, quod pro aliis fratribus mori patitur, hoc omne fuit regimen

vitae Servae Dei Mariae Scholasticae Rivata, quae autem paschali cum

mysterio consociavit, augescenti in conformatione ad Christum.

Serva Dei, in pago vulgo dicto Guarene, in finibus Cuneensibus, die 12

mensis Iulii anno 1897 nata est et postero die, nomine Ursulae Mariae,

sacro fonte lustrata est. Brevi tempore, ei doloris schola incepit: enim sexto

anno aetatis expleto, matre orbata fuit. Hoc vehementer eam perturbavit

sed et eam excitavit ad sui ipsius fidam traditionem in Virginis Mariae

custodiam et iam a pueritia eam excitavit ad aliorum curam, exordiens e

duobus parvulis sororibus. Anno 1904 primitus ad eucharisticam commu-

nionem admissa est et anno 1909 sacra confirmatione inaugurabatur. Brevi

tempore post litterarum ludum ad familiam auxiliandam agris operam dabat

sed et sericarum officinae et servilibus muneribus fungebatur. lis omnibus,

una cum legendi usu, Serva Dei cognitionem addit et de vita sociali ac

ecclesiali novam comprehensionem adduxit. Vicesimo anno aetatis expleto,

his verbis « Domine, te mihi tantum et nihil aliud », quae autem saepissime

sua in vita dictitabat, uxoriam condicionem repudiavit et omnino se ad re-

ligiosam vitam devovit. Cognovit Beatum Iacobum Alberione, qui eius vitam

prorsus constituit. Fundator enim, qui iam condiderat Societatem Sancti

Pauli et Filias Sancti Pauli, mense Novembri anni 1923, una cum Serva Dei

et alia sodali instituit novam familiam religiosam, « quae ante Tabernaculum

adoraret ad necessarias gratias impetrandas maxime pro incumbentibus in

apostolatum ». Sic ergo Piae Discipulae Divini Magistri extiterunt. Dominus

Alberione Ursulam delegit antistitam istius primi sodalicii et ei nomen im-

posuit Sororis Scholasticae Divinae Providentiae.