67. De sancto Moderanno.

In 1. Vesperis.

R. Plebs fidelis et devota,
Laeta voce, mente tota
Tanti patris Moderanni
Praeveni solemnia,

V. Clarus exstat parentibus,
Sed clarior virtutibus
Comes, abbas, pontifex.

Ad Magnificat.
A. O exaltatus humilis,
[Gratia et] natura,

Praesul, abbas, laudabilis

Utraque praelatura,
O pater Moderanne
Ac semper venerande,
Sit tibi gregis cura.

Ad Matutinum.
Invitatorium.

Jubilemus Domino

Pro Moderanno praesule,
Plebs cujus cum gaudio

Laudes solvat assidue.

In 1. Nocturno.

Antiphcmae.

1. Praesul sedit in solio

Et mansit in consilio

Legis Dei altissimi.

2. Hector Udae statuitur
Et praedicator mittitur
Ad Berceti confinia.

3. Quo nunc loco Moderannus
Dormit sic suaviter.

Responsoria.

1. Sanctus praesul Moderannus
A Theobaldo comite
Carnis originem duxit
Redonensi propagine ;
V. Huic, antequam nascitur
Et pater proficiscitur,
Providetur de nomine.
2. Res miranda et stupenda
Fibris audientium,
Puer clamat atque vetat
Patri adulterium ;
V . Hic manens in Britannia
Suum in Jerosolyma

Patrem cernit per somnium.

3. Cbristus surgens a mortuis
Pergit ut peregrinus,
Moestis suis discipulis
Jungit se et fit nuntius,

V. Cognoverunt Dominum
In fractione panis,
Hic patrem proselytum
Post intellectum matris.

In 2. Nocturno.

Antiphonae.

1. Moderannum sanctissimum
Libantem sacrificium
Dominus exaudivit.

2. Mane, die ac vespere
Corde, voce et opere
Orat ad Deum suum.
3. Ex ore hujus parvuli
Et primo ictu oculi
Ignotus pater scitur.

Responsoria.

1. Gratulatur et laetatur
Civitas Redonensium,
Veneratur et miratur

Horum trinum consortium
V. Puer ab his educatur
Atque plene informatur
Ad Dei obsequium.
2. Praesul futurus Domini

Forma crescit et moribus
Et Christi servit nomini
Suis praefectus civibus ;
V. Sanctorum reliquias
Et sanctas [exuvias]
Totis colit affectibus.
3. Novus Berceti incola

Novum produxit rivulum,
Dum tibi fert deicola
Ipse sancte colliculura,
V. Hospes manens ad ilicem
Trinum vocans opificem
Futurus parat poculum.

In 3. Nocturno.

Antiphonae.

1. De solio Redonensi
Ad montem Berceti
Hic passer transmigrat.

2. In monte sancto habitat
Et Dominum glorificat
Dei servans mandata.
3. Praeventus in infantia
In gratiarum copia
Honore coronatur.

Responsoria.

1. Dum pera cum reliquiis
Eamus mittit alium,
Mora illa mirabilis

Patri monstrat hospitium,
V. Reliquit mitrae gratiam
Et regionem propriam
Ad Berceti obsequium.
2. Largitur rex antistiti
Berceti circumfinia,
Quae in sancti Remigii
Praesul vertit memoria ;
V. Rex mortuus de lectulo
Surgit, obedit continuo
Confirmans privilegia.
3. Cedit pontificatui,

Cedit solio proprio,
Praesul fit abbas loculi,
Comes dat se pro villico,
V. In patre, prole, flamine
Gaude, Berceti regio,
Divino munimine

Corpus sancti in oppido.

In Laudibus.

Antiphonae.

1: Aurora lucis rutilat,
Et Moderannus praedicat
Exemplis et doctrina.

2. Puer Dei Moderannus,
Castus semper et non vanus
Proficit in gratia.

3. Claris exstat parentibus,
Sed clarior virtutibus
Ortus in Britannia.

4. Praefert eum populus,
Omnium fit oculus
Ad aeterna bona.

5. Sancte Dei Moderanne,
Pontifex Redonensium,
Audi, pater venerande,
Voces te laudantium.

Ad Benedictus.

A. O visitator principum
In peregrina forma,

Inhabitator collium
In monachali norma,

Servos tuos eximens,

Sed Deo suscipiens
In regulari stola.

In 2. Vesperis.

Ad Magnificat

A. Magnificat Dominum
Moderanni humilitas,
Praesulem Redonensium

Quem ejus clamat civitas,
Dum ejus gaudet animus
Atque exsultat spiritus
In Deo salutari.