65. De sancta Iuliana.

In 1. Vesperis.
Antiphonae.
1. Psallat mater ecclesia
Dulci cum symphonia
Recensendo celebria
Iulianae sollemnia.
2. Haec quasi foetorem

Christi flagrans per amorem
Sic mundi florem

mundique sprevit honorem.
3. Per virtutum incrementa
Carnis horrens blandimenta,
Servans fidem Christo soli
Laeta scandit arcem poli.
4. O flos virens inter paradisi
lilia,
Iuliana virgo pia,

Veri solis filia,
Deo nos reconcilia.

5. Plaudat Sion filia

Laudum cum canore,
Assunt nunc sollemnia

Virginis decorae,
Iulianae, sponsae Christi,

Quae suo cruore
Lota felix in caelesti

Gaudet iam decore,
Cuius, Christe, sancta prece
Purgans a peccati faece,

Iunge nos caelestibus.

R. Quae geminis felix

ornaris, virgo, triumphis,
Martyr cum roseis

rutilans Iuliana coronis,

Splendida virgineis
florescis, femina, sertis;
V. Sis memoratrix

famulorum, sancta, tuorum,
Qui tibi devote

famulantur nocte dieque.

Ad Magnificat.

A. Gaude, caelum, terra, plaude,
Dies adest digna laude,

Plena dies gloria,
Qua Iuliana antiquum
Castitatis inimicum

Elisit victoria;
Pia mater et matrona,

Tuis sanctis precibus
Interventrix et patrona

Sis pro nobis omnibus.

Ad Matutinum.
Invitatorium.

Regi regum iubilantes
Laudum per insignia

Exsultemus venerantes
Iulianae sollemnia.

In 1. Nocturno.
Antiphonae.

1. Haec caeli divitias
Aestimabat copiam
Et mundi delicias
Reputabat inopiam.
2. Sic enim in Christo
fundata fuerat,
Quod ab ipso separari
penitus non poterat.
3. Coniugalem suum sprevit
Et intra se decrevit
Idola patris respuere
Et Christo regi credere.

Responsoria.

1. Fulgebat sancta

triplex decus in Iuliana:

Nobilitas generis
et virtus nobilitatis,
V. Martyrii laudatur in hac

victoria plus quam.
2. Exutam virgis

iussit caedi pater eius,
A sponso propriis
suspensa fuitque capillis,
V. Ut Satanam coleret

et Christum pure negaret.
3. De plumbo plena

post haec succenditur olla,
Quae succensa suos
guttis furentibus ussit,
V. Sed sibi nil potuit

succensio dira nocere.

In 2. Nocturno.
Antiphonae.

1. O mira insania,

A patre tenerrima

Flagellatur filia,

Quia spernit idola.
2 Carnifices credentes

Inquiunt praefecto:

Nos pati supplicia

Cupimus pro Christo.
3. Tunc praecepit credentes

Christo omnes decollari,

Qui cum palma martyrii

Meruerunt coronari.

Responsoria.

1. Carcere clausa manet,

hanc infer evertere temptat,
Quem vinctum tenuit

et vinclis dire cecidit,
V. Ne plus multaret,

sibi crimina multa fatetur.
2. Hostem tartareum

secum duxit religatum
Ac in stercus eum

proiecit sordibus unctum,
V. Sic quoque deceptus

discessit denique victus.

3. Machina rotatur,

rota ferrea flexa paratur,
In quam contrahitur,

sed penitus annihilatur,
V. Angelus hanc fregit

et eam de morte redemit.

In 3. Nocturno.
Antiphonae.

1. Cum virginali turma
Sequitur in stola candida
Iuliana sanctissima
Agnum sine macula.

2. In caelesti solio
Servit Dei filio
Cum castitatis lilio.

3. Vicit cum triumpho
Saeculum inane
Et cum martyrii gladio
Finivit vitae certamen.

Responsoria.
1. Post haec ex lignis

magnus succenditur ignis,
In quem iactatur,

sed virgo mox liberatur,
V. Stans autem libere

Deum benedixit in igne.

2. Conflato vere

corpus perfunditur aere,
Hoc Deus examen

sibi contulit esse solamen,
V. Ut constans fieret

et firmior inde maneret.

3. Post haec tormenta
ducitur Iuliana beata

Ad decollandum,

quae post se vociferantem

Audivit daemonem

tortores sicque rogantem:

V. Non ei parcatur,

sed ei caput ense feratur.

In Laudibus.
Antiphonae.

1. Beata Iuliana

sublimata in caelis,
Quae supplicia plurima
perpessa est fidelis.
2. Deo cum laetitia
serviens puella
Sub patris manibus
sustinet flagella.
3. Praeses rotam ferream
iussit praeparari,
In qua membra tenerrima
praecepit laniari.
4. Misit Dominus angelum
suum de caelis,
Qui ignem comminuit
et illaesam custodivit.
5. In tantis suppliciis
Iuliana fidelis
Benedixit Dominum
iugiter de caelis.

Ad Benedictus.
A. Quasi stella matutina,
Quam illustrat lux divina
In conventu cum concentu
Iuliana caelestium
Gaudet luminarium.

In 2. Vesperis.
Ad Magnificat.
A. Vergentis ad vesperam
Mundi vitam prosperam
Iuliana despiciens
Non retro respiciens
Ad ea se extendit,
Quae iam comprehendit.

Das Resp. lautet in B (D hat dasselbe R in 2. Vesp. ):

R. O lampas ecelesiae,

Rivos fundens olei,
Medicina gratiae,

Incrementum fidei,
Tutelam praestans pavidis,
Calorem minus fervidis

Languidis medelam,
V. Tu Dei saturitas,

Oliva fructifera,
Cuius lucet exitus

Et resplendent opera.