Prooemium.

Alma Deus trinitas, quae saecula cuncta gubernas,
Annue iam coeptis in laudem Dei genetricis,
Ac tu prae cunctis Maria veneranda creatis,
Depelle meae retinacula tarda loquelae
Deque nati sanguine exhaustae porrige linguae,
Ut queam habiles tibi depromere laudes,
Quas in grandiloquis seripturae repperi dictis,
Psalmis praecipue ac libris sacrae sophiae
Nec non et paginis devotorum tibi doctorum.
Adiutrix igitur mihi sis, o mater benigna,
Perfida mundani cum desinam vada freti,
Transferas ad niveas caeli sine turbine caulas
Ut fruar optati iam statione soli.