68 Acta Apostolicae Sedis - Commentarium Officiale

tione dignis, quibus derogamus. Harum vero Litterarum transumptis vel excerptis, etiam impressis, manu tamen alicuius notarii publici subscri- ptis et sigillo viri in ecclesiastica dignitate vel officio constituti munitis, eadem prorsus tribuatur fides, quae hisce praesentibus tribueretur, si exhibitae vel ostensae forent. Nemini autem hanc paginam erectionis, constitutionis, statuti, concessionis, derogationis, commissionis et volun- tatis Nostrae infringere vel ei contraire liceat. Si quis vero id ausu te- merario attentare praesumpserit, indignationem omnipotentis Dei et beatorum Apostolorum Petri et Pauli se noverit incursurum.

Datum Romae apud S. Petrum, anno Domini millesimo nongentesi- mo quadragesimo septimo, die undevicesima Iulii mensis, Pontificatus Nostri anno nono.

Pro S. R. E. Cancellario

I. Card. GRANITO DI BELMONTE Fr. RAPHAEL C. Card. ROSSI Decanus S. Collegii S. C. Consistorialis a Secretis

Vincentius Bianchi Cagliesi, Proton. Apost. Arthurus Mazzoni, Proton. Apost.

L o c o £8 Plumbi

Reg. in Cane. Ap., vol. LXXIV, n. 85. - A. Liberati .

L I T T E R A E A P O S T O L I C A E

I

ECCLESIA COLLEGIATA ET PRAEPOSITURALIS DEO IN HONOREM SANCTI VICTO-

RIS M. DICATA IN CIVITATE INTRA, NOVARIENSIS DIOECESIS, BASILICIS MINO-

RIBUS ACCENSETUR.

PIUS PP. XII

Ad perpetuam rei memoriam. - Ad unitatem Fidei et communionis et regiminis sartam tectam servandam opus est Romanam Ecclesiam « propter potiorem principalitatem », ut ait Sanctus Irenaeus, omnes adeant ecclesiae, ii scilicet « qui sunt undique fideles » ; at contra multi- plex exercenda Christianae plebis administratio aliquando suadet ut ex ecclesia maiore minores quasi rivuli deriventur, alias vero ut ipsi communem ad fontem velut alendum augendumque reducantur. Quod utrumque factum est alio et alio tempore in urbe Intra, quae et Verba- nia, in Novariensi dioecesi. Ea enim, quam « mediam » vocant, aetate, ut eruitur ex Constitutione Innocentii Pp. II fel rec, Decessoris Nostri, ad Litifridum Episcopum data anno M C X X X I I I , ex ea ecclesia Fidei Ca-