Acta Apostolicae Sedis - Commentarium Officiale412

Hanc enim propter famam, Olisipone Inquisitio Dioecesana peracta est a

die 15 mensis Iunii anno 1990 ad diem 18 mensis Martii anno 1992, cuius

iuridicam auctoritatem Congregatio de Causis Sanctorum agnovit per Decre-

tum die 4 mensis Iunii anno 1993 editum. Exarata Positione, disceptatio uti

ex consuetudine facta est de virtutibus heroico gradu a Dei Servo exercitis.

Faventem huiusmodi ferens sententiam Congressus Peculiaris Consultorum

Theologorum actus est die 18 mensis Ianuarii anno 2008. Patres Cardinales et

Episcopi, in Sessione Ordinaria die 11 mensis Martii anno 2008 congregati,

audita relatione Ponentis Causae, Exc.mi D.ni Xaverii Echevarrı́a Rodrı́-

guez, Praelati Praelaturae Personalis Operis Dei, edixerunt Servum Dei Ioa-

chimum Alves Brás in theologalibus, cardinalibus eisque adnexis virtutibus

exercendis heroicum gradum attigisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Ioachimi Alves

Brás, Presbyteri dioecesani et Conditoris Instituti Saecularis Cooperatricum Fa-

miliae, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis