Acta Apostolicae Sedis - Commentarium Officiale748

communicat. Secundum hanc mentem, eo quod « ignoratio Scripturarum

ignoratio Christi est »,255 animatio biblica totius actionis pastoralis ordinariae

et extraordinariae ad maiorem adducet cognitionem personae Christi, Reve-

latoris Patris et plenitudinis divinae Revelationis.

Hortamur itaque pastores et fideles ad rationem habendam de pondere

huius animationis: erit etiam aptissimus modus ad quasdam obeundas pasto-

rales quaestiones quae in Coetu synodali ortae sunt, et coniunctae, ad exem-

plum, cum proliferatione sectarum quae distortam et abusivam lectionem

sacrae Scripturae diffundunt. Ubi fideles ad cognitionem Bibliorum non

instituuntur secundum fidem Ecclesiae in alveo eius vivae Traditionis, illic

revera vacuum pastorale remanet in quo realitates sicut sectae spatium

invenire possunt ad proprias agendas radices. Hanc ob rem necesse est ut

congruae sacerdotum praeparationi provideatur et laicorum qui Populum

Dei in genuino aditu ad Scripturas instituere valeant.

Praeterea, sicut in luce positum est in sessionibus synodalibus, rectum est

ut in actione pastorali foveatur quoque diffusio parvarum communitatum,

« familiis constantium, vel in paroeciis radicatarum, vel variis motibus

ecclesialibus communitatibusque novis adnexarum »,256 in quibus formatio,

oratio et cognitio Bibliorum secundum fidem Ecclesiae promoveantur.

Catechesis biblica ratio

74. Uti maioris ponderis momentum animationis pastoralis Ecclesiae, in

quo sapienter centralis ratio Verbi Dei reperiri potest, est catechesis, quae

suis in diversis formis et gradibus semper Populum Dei comitari debet.

Colloquium discipulorum Emmaus cum Iesu, ab evangelista Luca

descriptum (cfr. Lc 24, 13-35), exhibet, quodammodo, exemplum catechesis

in qua praecipuum locum obtinet « Scripturarum interpretatio », quam

solummodo Christus tradere potest (cfr. Lc 24, 27-28), in se ipso earum

adimpletionem ostendendo.257 Hoc modo spes renascitur omni profliga-

tione fortior, quae hos discipulos testes reddit persuasos et credibiles

Resuscitati.

255 S. Hieronymus, Commentariorum in Isaiam libri, Prol.: PL 24, 17 B. 256 Cfr. Propositio 21. 257 Cfr. Propositio 23.