Acta Apostolicae Sedis - Commentarium Officiale530

coram iuvenibus congregantibus exemplum se praebuit. Sorores Servae Ma-

riae anno 1878 Pampelonem advenerunt. Tunc Maria Catharina, percipiens se

Domino consecrandam esse, hoc vitae genere allecta in hoc Institutum

admitti petivit. Matriti noviciatum peregit, habitum induens die 12 mensis

Martii anno 1882; tunc assumpsit nomen Mariae a Desponsatione. Die 14

mensis Maii anno 1883 religiosam emisit professionem ac deinde studiosa

caritate muneri infirmis in domiciliis subveniendi se dedit. Mira eius exstitit

sollicitudo anno 1890 quo grassabantur grippica pestilentia necnon cholera et

variolarum pullulatio quae Hispaniam tunc temporis vastaverunt. Anno

1913 tuberculosis ossea detecta est in Sorore Maria, quae igitur chirurgicae

sectioni bis submissa est. Post haud breves cruciatus, die 10 mensis Octobris

anno 1918 animam Domino placide tradidit. Die 30 mensis Martii anno 1981

Decretum super virtutibus heroicis Servae Dei promulgatum est.

Postulatio Causae, beatificationi prospiciens, iudicio huius Congregationis

de Causis Sanctorum sequens exhibuit mirum prodigium quod in urbe capite

La Paz, in Bolivia, mense Novembri anno 2004 patratum est. Agitur enim de

celeri ac sine residuis sanatione viri doctoris Aloisii Ferdinandi Padilla Gó-

mez, tunc annorum aetatis septem et quadraginta. Hic enim vir convulsio-

num angustias ob hygroma cerebrale ex improviso subire coepit. Per chirur-

giam quaedam immissa est illi valvula; attamen post quattuor et viginti

horas exortae sunt aliquot implicationes ita ut ipsa infirmi vita periclitaretur,

quales sunt: pneumonia, meningitis, haemorrhagia cerebralis, infarctus cere-

bri necnon grave diuturnumque spatium anoxiae cerebralis. Saepe igitur

timor exstitit ne aegrotus mortem obiret, et, ut omnia recte procederent,

oportuit ut hic patiens diuturnam ageret periodum recuperationis et totam

per vitam gravia perferret consectaria, praesertim ob longinquitatem tempo-

ris quo cerebrum oxygenio privatum permansit.

Tempore tamen quo infirmus propter novas implicationes maxima affli-

gebatur gravitate, quaedam Religiosa Serva Mariae, addicta servitio apud

valetudinarium appellatum ''Artifex Pacis'' ubi aegrotus degebat, dominam

Mercedem, uxorem infirmi, hortata est ut pro coniuge suo auxilium impetra-

ret Venerabilis Mariae Catharinae. Domina Mercedes, quendam textum

orationis, quem e manibus Sororis receperat, photographice exscripsit et

multiplicavit, ac postea exemplaria distribuit inter omnes familiares qui sese

congregaverunt ut per continuam orationem sanationem infirmi implorarent.

Huius ritus precationum participes facti sunt quoque officiales infirmarii,

persuasi infirmum tantummodo ex miraculo sanari posse, quoniam curatio-