Acta Apostolicae Sedis - Commentarium Officiale610

Ob eius sanctitatis famam apud Curiam Ecclesiasticam Ratisbonensem

Processus Ordinarius instructus est a die 14 mensis Iulii anno 1950 ad diem

14 mensis Martii anno 1951. Deinceps eadem in sede peractae sunt duae

Inquisitiones Dioecesanae Suppletivae, alia a die 6 mensis Iunii ad diem 7

mensis Decembris anno 1994, alia vero a die 15 mensis Aprilis ad diem 27

mensis Novembris anno 2002. Iuridicam auctoritatem Processus Ordinarii

approbavit Congregatio de Causis Sanctorum per Decretum editum die 21

mensis Martii anno 1986; vis autem iuridica duarum Inquisitionum approba-

ta est per Decretum quod vulgatum est die 5 mensis Novembris anno 2004.

Confecta Positione, sedulo disceptatum est ex norma an Servus Dei heroum in

modum christianas exercuisset virtutes. Die 16 mensis Decembris anno 2009,

prospero cum exitu, Congressus Peculiaris Consultorum Theologorum actus

est. Patres Cardinales et Episcopi in Sessione Ordinaria die 1 mensis Februa-

rii anno 2011 congregati, audita relatione Ponentis Causae, Exc.mi D.ni Lini

Fumagalli, Episcopi Viterbiensis, edixerunt Servum Dei virtutes theologales,

cardinales eisque adnexas heroica animi fortitudine excoluisse.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua,

vota Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate tum in

Deum tum in proximum, necnon de cardinalibus Prudentia, Iustitia, Tempe-

rantia et Fortitudine, iisque adnexis, in gradu heroico, Servi Dei Bernardi

Lehner, Christifidelis laici, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 2 mensis Aprilis A.D. 2011.

Angelus Card. Amato, S.D.B.

Praefectus

L. e S.

e Marcellus Bartolucci Archiep. tit. Mevaniensis, a Secretis