306 Acta Apostolicae Sedis - Commentarium Officiale

Deinceps inde illa debuit accipere et in vita optimam dotem et virtutem

exprimere, quam illa exemplis mulierum Evangelii comitans et praecipue

Mariae, Dei Sanctae Matri, primae et perfectae Iesu Magistri discipulae

adepta est. Nova Congregatio incepit non sine multis impedimentis, qui-

bus Mater Scholastica Dei summa voluntate semper obstitit, exhortans in

sororibus suis illam earum singularem virtutem, assidue fulta eo lumine,

quod e suavissimo cum Domino colloquio tam in diurnis longissimis horis

Eucharisticae adorationis quam nocturnis hauriebat, Ecclesiae consuetu-

dines et consilia sollicite custodiens, coniungens orationem cum cotidiana

opera et consuetam animi intentionem cum diligendi cura rerum historiae.

Anno 1936 Serva Dei particeps fuit primae fundationi in Africa et mul-

torum gentium Alexandriae Aegypti instauravit optimas consuetudines cum

Macometi sectatoribus, qui eam « bonam dominam » appellabant.

Ab anno 1938 ardoris plena fautrix fuit novarum rerum apostolicis rebus

in liturgicis, una cum Beato Timoteo Giaccardo. Novis difficultatibus cons-

titutis, Serva Dei testimonium perhibuit mysterium paschale agens super

seipsam, firmissima fide praestans, spe coalescens amoreque perseverans.

Feria Quinta in Cena Domini anno 1947 Piae Discipulae dioecesana appro-

batione confirmatae sunt et paucis mensibus post fuit et Decretum Laudis.

Serva Dei posthac munera graviora non gessit. Officium suum tria per lustra

Argentinae attendit et, post reditum in Italiam anno 1963, sicut soror in

sororibus vixit, cotidianis in muneribus fungens, sponsali in coniunctione

cum Domino magis augescendo.

Etiam cum consuetudines in rebus mundanis paulatim reducerentur,

Mater Scholastica animo suo semper universum in mundum conspectum

porrigebat, apostolico amore appropinquabat ad anxietates hominum et

mulierum totius orbis, qui per acta diurna et postea per alia media com-

municationis socialis, corde in suo introducti erant ut in eucharistica ado-

ratione Divino Magistro traderentur. Eius vitae rationes fuerunt silentium

auctum Divini Verbi auditu, sui ipsius perfectum dominium, laetitia profusa

in ministerio et in liberalitate.

Ab anno 1981 vires corporis paulatim minuebant. Die 24 mensis Mar-

tii anno 1987 primis vespertinis precibus Annunciationis, domu pagi dicti

Sanfrè, una cum Maria suum « ecce » dicens, mortali e vita excessit.

Hac fama sanctitatis, qua Serva Dei in vita claruit et post eius mortem

magis invaluit, iuxta Curiam Albae Pompeiensis a die 13 mensis Martii anno