Congregatio de Causis Sanctorum 229

atque sine mora plenam consecutus est mentis perspicuitatem. Sequentibus

diebus dimissus est et sequentia clinica examina nullam ostenderunt patho-

logiam. Relatio evidenter apparuit inter invocationem ad Servam Dei et

sanationem viri Ioannis de Dios Rodrı́guez Madrid, qui nunc fausta fruitur

valetudine atque facultate ad normalem necessitudinis et affectus vitam ge-

rendam.

De hac sanatione, quae mira est habita, inter dies 1 mensis Augusti et 20

mensis Octobris anno 2001 apud Curiam Culiacanensem Inquisitio dioecesana

est instructa, cuius iuridicam validitatem haec Congregatio per decretum diei

4 mensis Octobris anno 2002 approbavit. Consilium Medicorum Dicasterii in

sessione, die 14 mensis Octobris anno 2004 habita, declaravit sanationem a

« gravi duplici vulnere capitis cerebri cum haemorrhagia subarachnoidali,

contusionibus cerebri multiplicibus, fractura frontali-parietali, oedemate ce-

rebrali diffuso et comate, in subiecto cum aethylismo diuturno », « celerem,

perfectam, constantem, et ex hodiernis scientiae legibus inexplicabilem » fuis-

se. Die 28 mensis Iunii anno 2005 Peculiaris Congressus habitus est Consul-

torum Theologorum atque die 16 mensis Octobris anno 2007 Ordinaria Sessio

acta est Patrum Cardinalium et Episcoporum, Causae Ponente Excellentis-

simo Domino Andrea Maria Erba, Episcopo emerito Veliterno-Signino.

Facta demum de hisce omnibus rebus Summo Pontifici Benedicto XVI

per subscriptum Cardinalem Praefectum accurata relatione, Sanctitas Sua

vota Congregationis de Causis Sanctorum excipiens rataque habens, hodierno

die declaravit: Constare de miraculo a Deo patrato per intercessionem Ven.

Servae Dei Mariae Magdalenae ab Incarnatione (in saec.: Catharinae Sordini),

Fundatricis Instituti Sororum ab Adoratione Perpetua Ss.mi Sacramenti, vide-

licet de celeri, perfecta ac constanti sanatione viri Ioannis de Dios Rodrı́guez

Madrid a « grave doppio trauma cranio-encefalico con emorragia subaracnoidea,

contusioni encefaliche multiple, frattura frontoparietale, edema cerebrale diffuso

e coma, in soggetto con etilismo cronico ».

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis