Acta Benedicti Pp. XVI 749

In Directorio generali pro catechesi valida invenimus indicia ad catechesim

biblice animandam ad quae etiam libenter remittimus.258 Hac data occasione

volumus praesertim affirmare oportere catechesim « sententiis, spiritu, ratio-

nibus biblicis et evangelicis imbui penitusque pervadi per assiduum textuum

ipsorum usum; sed etiam reminisci catechesim eo locupletiorem et efficacio-

rem esse, quo magis eodem intellectu et animo verba legat, quo Ecclesia;

mente ac vita duci, quae his duobus milibus annorum Ecclesiae propriae

fuerint ».259 Cognitio ergo figurarum, eventuum et praecipuarum expressio-

num textus sacri promoveatur oportet; hanc ob rem iuvare etiam potest

intellegenter memoriae mandare quosdam locos biblicos mysteriorum christia-

norum singulariter eloquentes. Catechetica actio semper secum fert ut ad

Scripturas in fide et Traditione Ecclesiae accedatur, ita ut haec verba

tamquam viva percipiantur, uti Christus est hodie vivus ubi duo vel tres in

nomine eius congregantur (cfr. Mt 18, 20). Ipsa salutis historiam atque ma-

teriam fidei Ecclesiae vitaliter tradere debet ut unusquisque fidelis suam

quoque personalem vicissitudinem ad illam historiam pertinere percipiat.

Hoc sub prospectu interest ut in luce ponatur necessitudo inter sacram

Scripturam et Catechismum Catholicae Ecclesiae, ut docet Directorium generale

pro catechesi: « Etenim sacra Scriptura ut ''locutio Dei divino afflante Spiritu

scripto consignata'', et Catechismus Catholicae Ecclesiae quatenus magni

momenti documentum hodiernum vivae Traditionis Ecclesiae et firma regula

ad fidem docendam, vocantur, uterque suo modo et iuxta propriam auctori-

tatem utriusque, ad catechesim fecundandam in Ecclesia nostrae aetatis ».260

Christianorum biblica formatio

75. Ad finem a Synodo optatum consequendum, ad maiorem videlicet

biblicam indolem totius actionis pastoralis Ecclesiae, necesse est ut idonea sit

christianorum ac, potissimum, catechistarum formatio. Ad hanc rem, atten-

tio convertatur oportet ad apostolatum biblicum, qui methodus est satis

valida ad eiusmodi finem attingendum, prout ecclesialis docet experientia.

Praeterea Patres synodales adhortati sunt ut, si fieri potest, per considera-

258 Cfr. Congregatio pro Clericis, Directorium generale pro catechesi (15 Augusti 1997), 94-96;

Ench Vat., 16, n. 875-878; Ioannes Paulus II, Adhort. ap. Catechesi tradendae (16 Octobris 1979),

27: AAS 71 (1979), 1298-1299. 259 Ibid., 127: Ench. Vat. 16, n. 935; cfr. Ioannes Paulus II, Adhort. ap. Catechesi tradendae

(16 Octobris 1979), 27: AAS 71 (1979), 1299. 260 Ibid., 128: Ench. Vat. 16, n. 936.