69. De sancto Longino.

In 1. Vesperis.

Super Psalmos.

A. Alma mater ecclesia,

Christi fundata sanguine,

Nova excepit gaudia

In Longino sancto milite.

Nam ex vase contumeliae

Fit vas purum coelestis gloriae.

Ad Magnificat.

A. Deo salutari meo

Laudes promat ecclesia

Et Longino sancto pio

Magnificet solemnia,

Qui synagogae miles

Christi apperuit latus,

Militantis ecclesiae

Pugil fit beatus ;

Conversus se rectificat

Fidem Christi praedicando,

Implorantem omnem laetificat

Morbidos sanando.

O patrone, te rogamus,

Recole qualis fuisti ;

Te gementes Invocamus,

Junge nos faciei Christi.

Ad Matutinum.

Invitatorium.

Ducem rubri exercitus marty-

rum

Adoremus Dominum Jesum

Christum,

Qui militem suum strenuum

Coronavit sanctum Longinum.

In 1. Nocturno.

Antiphonae.

1. Ab Isauria provincia

Claro exortus genere

Fulcitusque militia

Pilati baesit curiae.

2. Tandem duris laboribus

Visus privatur lumine,

Sed limpidis obtutibus

Christi dotatur sanguine.

3. Vitae Instructus dogmate

A sanctis apostolis

Sacro lotus baptismate

Fit lucerna populis.

Responsoria.

1. Mundi spreta militia

Sub arta observantia

Militavit Domino

Se substernens animo,

V. Abjecto jugo saeculi

Onus gestavit Domini.

2. Vigil servus et fidelis

Vivens justus abs querelis,

Dispensator talentorum

Prudens corda populorum

Lucrifecit Domino

Retrahens a saeculo;

V. Grandis haec mutatio

A solo facta Domino.

Ex actore malitiae

Doctor fit ecclesiae.

3. Spretis carnis artubus

Lumen gestans In manibus,

Sic lucebat populo

Velut lux In patulo

Vita et miraculo ;

V. Pavit gregem sic pascendo,

Quod docebat, operando.

In 2. Nocturno.

Antiphonae.

1. Adstans saevis praesidibus

Christum Deum adstruit,

Lingua orbus et dentibus

Disertius asseruit.

2. Tortus corde gratulatur

Tamquam In deliciis,

Quia vitam praestolatur

Pressus a miseriis.

3. Eamus velut verae vitis

Plus praecisus germinat,

Sic vir mentis praesincerae

Poenis fructum cumulat.

Responsoria.

1. In petra firmissima

Fide solidissima

Domum stabilivit,

Spe rata munivit,

Amore fulcivit;

V. Nec hunc dulcor voluptatis

Potuit corrumpere,

Neque pavor majestatis

A bono retrahere.

2. Arbitratus omnia

Sita In mundi machina

Veluti lutum vilia,

Ut Christum lucrifaceret

Et se acceptum redderet;

V. Larga divina gratia,

Dum coeli substantia

Datur pro penuria.

3. Robusto hic vir pectore

Certando legitime

Cum carne, mundo, daemone

Victor celebris exstitit

Et vitae palmam percipit;

V. O felix militia,

Cui per victoriam

Aeterna datur laurea.

In 3. Nocturno.

Antiphonae.

1. Contumeliis et verbere

Hic lapis adtenditur,

Ut coelesti fabricae

Sit aptus, disponitur.

2. Hoc est Iter viatorum

Ad perennem patriam.

Ire callem per umerorum

Ad coeli laetitiam.

3. Ecce mirum commercium,

Pro tristis vitae modulo

Datur coeli solatium

In futuro saeculo.

Responsoria.

1. Laetare. ecclesia,

De tanta Dei gratia,

Nempe drachmam decimam,

Olim per culpam perditam,

Invenisti hodie

Lucerna clementiae

In domo tuae gloriae

V. Ovemque centesimam

In deserto deviam.

2. Ad amoenae regnum vitae

Christum sequi gestiens

Crucem suam tulit rite

Poenas duras sufferens ;

V. Arta quippe via Ista

Quae ducit ad gaudia.

3. Vere felix apertio

Christi Jesu lateris,

Qua solvitur nexus criminis

Velamen duplicis

Caecitatis adimitur

Et visio felicitatis

Aeternae confertur:

V. Felix revera culpa militis.

Quam munus subsequitur

Tantae caritatis.

Ad Laudes.

Antiphonae.

1. Regnans a ligno Dominus

Hunc militem elegit,

Illuminans clementia

A nece redemit.

2. Exstirpat hic Idola,

Plantator ecclesiae,

Et expurgat vitia,

Zelator justitiae.

3. Noctis taetram caliginem

Eliminat a cordibus,

Christo gratam progeniem

Procreat ex gentibus.

4. Cuncta rerum plasmatum

Benedicat Dominum,

Suum poena et pressura

Qui redemit famulum.

5. Judaeae provincia

Laetetur de martyre,

Gaudeat Moravia

De sacro ejus corpore.

Ad Benedictus.

A. Sine hostili timore

Serviamus In amore

Et In cordis sanctitate,

Qui nos a mortis potestate

Sua redemit pietate.