69. De sancto Nicasio.

In 1. Vesperis.

Ad Magnificat.

Ave, martyr insignis Nicasi,

Ave, magni comes Dionysii,

Ave, viva Christi hostia,

Tua venerantibus patrocinia,

Impetrata

non denega suffragia.

Ad Matutinum.

Invitatorium .

Adoretur flos Mariae,

Rex coelestis curiae,

Qui militem

suum Nicasium

Jure ab arvis

sublimavit ad coelum.

In 1. Nocturno.

Antiphonae.

1. Miles Christi Nicasius,

Coelis et arvis splendidus,

Papae Clementis monitu

Gallos ovans aggreditur.

2. Sancto Dionysio

Comes factus itineris

Ad praedicandum populis

Agit vota pontificis.

3. Tandem papae imperio

Pede feruntur concito

Et cum multis fidelibus

Advenerunt Parisius.

4. Cumque ministri Domini

Verbum darent in populis,

Undecumque non modica

Dei fantur magnalia.

5. Concursu plebis propero

Deus pater et filius

Simulque sanctus spiritus

Laetabatur unus Deus.

6. Ecce repente monitus

Per spiritum Nicasius

Cum duobus discipulis

Rotomagum expetiit.

Responsoria.

1. Postquam virtus altissimi

Mundo coelitus claruit,

Planum iter justitiae

Multis per orbem floruit

V. ''Cumque salutaris fama cre-

bresceret in nomine Domini

Jesu Christi.''

2. Sanctus igitur Nicasius

Cum beato Dyonisio

A partibus Italiae

Sedes expetens Galliae

Francorum nobilissimam

Urbem intrat Lutetiam,

V. ''Divino vallati adjutorio ver-

bum vitae denuntiantes.''

3. Christi miles Nicasius,

Videns multos concurrere

Ad sacramenta fidei,

Valefactis confratribus

Neustriam petit ocius,

V. Trinitatis prospicuae

Animatus majestate

Cum duobus fratribus,

4. O Martyr Christe Nicasi,

Magne patrone meritis,

Mirande signorum virtute,

Clare audi voces nostras

Coram te fusas et fac nos

Aeternali choro jungi ;

V. Precibus ergo

sanctis adesto

Calamitatibus,

quibus gravamur.

In 2. Nocturno.

Antiphonae.

1. His in locis dum praedicat,

Oves Christi multiplicat,

Ac perfidorum rabiem

Fonte salutis enecat.

2. Illis nempe in partibus

Necdum regnabat Dominus

Et per fidelem famulam

Laudatur Deus omnium.

3. Post virtutum insigna.

Sectus cervicem romphea

Cum duobus egregiis

Consummavit martyrium.

4. Gaudens coelum mox suscipit,

Quos furens hostis perculit,

Jactura fusi sanguinis

Regnum mercantur luminis.

5. Mirum visu spectaculum,

Surgunt solo post jugulum

Ad tumulos et propria

Trans vada ferunt capita.

6. Coeli senator curiae,

Nicasi martyr inclite,

Cum tuis nos consortibus

Supernis junge civibus.

Responsoria.

1. Assiduis vigiliis

Atque orationibus

Se formam gregis faciens

De perfidiae errore

Filios gignit gratiae,

V. ''Coelestibus eos informansprae-

dieationibus per virttitcm Do-

mini.''

2. Divina tandem pietas

Et trinitatis unitas

Rotomago per spatia

Linguas cunctorum occupat

Et supernorum civium

Laudem canit vox hominum.

V. ''Virtutum floribus praedkando

corda confirmabat.''

3. Gloriosus sacer Christi

Mactas virtute fidei

Sanctae crucis signaculo

Saevum draconem peremit,

V. ''Plebis igitur saluii providens

fontem vitae condonando.''

4. Exsultet dignis laudibus

Omnis in Christo populus

In festivitate tui,

Pater Nicasi, martyrii,

V. Quem vitiis exonera

Et virtutibus alliga

In 3. Nocturno.

Ad Cantica.

Ave, martyr pretiose,

Coronatus in gloria,

Audi rogantes servulos

Et protege per saecula.

Responsoria.

1. Oratione sancti patris

Daemon speluncam exiit

Et prosperum meantibus

Per flumen iter patuit.

V. ''Ad vocem sancti vis inimica

contremuit, scindens lapidem

fugax evanuit.''

2. Venerabilis Pientia

Monitis sanctorum

Ad Christum conversa

Corpora eorum collegit

Et honorifice sepelivit.

V. ''Ad honorem Domini nostri

Jesu Christi.''

3. Membra Christi Nicasius,

Quirinus et Scuniculus

Ad tumulos caesi sua

Detulerunt capita,

V. Mirum nimis spectaculum

Monstrantes post obitum.

4. Egregias

Athleta Christi Nioasius

In unitate trinitatis fundatus

Post donativum gratiae

Cum duobus discipulis

Gladio truncatus

Coelos petivit sanguine

Laureatus.

V. Felici commercio

Pro terrenis coelestia

Pro perituris aeterna

Commutans.

In Laudibus.

Antiphonae.

1. Venerandus Christicola

Currens laetus ad praemia

Triumphavit diabolum

Per sanguinis commercium.

2. Cumque manus carnificis

Sitiret undam sanguinis

Tres consumpsit in gladio,

Quos obtulit altissimo.

3. Peracta caede lanio

Pede fertur retrogrado,

Linquens sanctorum corpora

Palam feris exposita.

4. Surgunt tandem post morulam

Per Domini clementiam,

Ulnis imponunt capita

Et flumen pede transmeant.

5. Exponuntur mausoleis

A matrona praenobili

Atque in sinu gurgitis

Ecclesiam plebs condidit.

Ad Benedictus.

A. Martyres egregii,

Nicasi, Quirine

Ac Scunicule,

Qui post immania

Tormenta triumphastis

Coram coelesti rege

Facinora nostra

Assidua prece

Diluite.

In 2. Vesperis.

Ad Magnificat.

A. Succurre, sancte, miseris,

Esto placatus servulis,

Nostris faveto vocibus,

Culpas laxa, quas fecimus,

Adstantem plebem robora,

Christum pro cunctis rogita.