Acta Apostolicae Sedis - Commentarium Officiale670

simplicis illius et efficacis verbi Evangelii attulit. Quocumque perveniret,

pacem et bonum ominabatur, omnium conciliabat corda et suavitatem

gratiae diffundebat.

Licet iam provectae esset aetatis, Frater Iacobus iam fractas vires suas

impendit, ut aegrotis adsisteret. Caritate erga omnes egenos, praesertim in

creberrimis siccitatibus, praefulsit et numquam remisit quominus aquam ex

puteo Conventus exhaustam distribueret. Grassante labe anno 1483, usque-

quaque interfuit, ut omnibus benefaceret, aegrotos sanaret, incertos illumi-

naret, miserias extolleret et actis operibusque viam regalem caritatis collus-

traret. Hucusque pervenit, ut vitam ipsam, ad tantae labis liberationem a

Deo impetrandam, utpote holocaustum offerret. Acerba eius valetudo, quam

perdolens flexio corporis et surditas fere summa saeviter adauxit, prorsus

hanc suipsius oblationem Domino consecuta est.

Soror mors vitam eius meritis effertam in Conventu Bitecti, anno fortasse

1496, abstulit. Corpus eius, quod viginti circiter annos post mortem incor-

ruptum inventum est, etiamdum asservatur in Sanctuario ei dicatum,

quo permulti devote accedunt peregrini, ut consolationem et lucem fidei

inveniant.

Summus Pontifex Clemens XI die 29 mensis Decembris anno 1700 eum in

numerum Beatorum rettulit.

Cum cultus Beati, qui iam a longo tempore effulsit, non modo in Italia,

sed etiam peregre, propagatus esset, die 27 mensis Iunii anno 1989 apud

Curiam Barensem -Bituntinam Canonizationis Causa inita est per celebratio-

nem Inquisitionis dioecesanae super continuatione famae sanctitatis necnon

super virtutibus. Positione anno 1998 confecta, die 30 mensis Novembris anno

1999, in Sessione Consultorum Historicorum et die 7 mensis Novembris anno

2008 in Congressu Peculiari Consultorum Theologorum prospero cum exitu

disceptatum est, iuxta consuetudinem, an Beatus more heroum virtutes

christianas exercuisset.

Patres Cardinales et Episcopi in Sessione Ordinaria diei 27 mensis

Octobris anno 2009, audita relatione Excellentissimi Domini Marcelli

Semeraro, Episcopi Albanensis, Causae Ponentis, professi sunt Beatum

Iacobum Illyricum virtutes theologales, cardinales iisque adnexas in

modum heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,