Acta Apostolicae Sedis - Commentarium Officiale750

tionem structurarum academicarum iam exsistentium, formationis consti-

tuantur centra pro laicis et missionariis, in quibus discant Verbum Dei intel-

legere, vivere ac nuntiare, et, ubi necessarium videatur, instituta peculiariter

studiis biblicis dicata constituantur, ut exegetae solida theologiae compre-

hensione et animo in adiuncta suae missionis sensibili pariter ditentur.261

Sacra Scriptura in magnis ecclesialibus congressionibus

76. Inter innumera incepta quae suscipi possunt, Synodus suadet ut in

congressionibus, sive dioecesanis sive nationalibus vel internationalibus, am-

plius tribuatur momentum Verbo Dei, eius auscultationi atque credenti et

oranti Bibliorum lectioni. Quapropter in congressibus eucharisticis, nationa-

libus et internationalibus, in diebus mundialibus iuventuti dicatis aliisque in

conventibus maius spatium laudabiliter inveniri poterit ad celebrationes

Verbi adque periodos formationis biblicae.262

Verbum Dei et vocationes

77. Synodus in lumen proferens necessitatem intrinsecam fidei ad neces-

situdinem cum Christo, Verbo Dei inter nos, altiorem reddendam, voluit

etiam demonstrare quod ipsum Verbum unumquemque personaliter vocat,

hoc modo revelans ipsam vitam vocationem esse in relatione cum Deo. Et hoc

significat: quo magis personalem nostram necessitudinem cum Domino Iesu

altiorem reddimus, eo magis etiam intellegimus Ipsum ad sanctitatem nos

vocare, per definitivas optiones, quibus vita nostra amori illius respondet,

munera sumens et ministeria ad Ecclesiam aedificandam. Hoc in prospectu

adhortationes ad cunctos christianos a Synodo factae intelleguntur, ut neces-

situdinem cum Verbo Dei altius perspiciant veluti baptizati, et etiam sicut

vocati ad vivendum secundum diversos vitae status. Hic tangimus unum ex

argumentis fundamentalibus doctrinae Concilii Vaticani II quod in lumine

posuit singulorum fidelium vocationem ad sanctitatem, in proprio cuiusque

vitae statu.263 Et in sacra Scriptura invenimus revelatam nostram ad sancti-

tatem vocationem: « Sancti estote, quoniam et ego sanctus sum » (Lv 11, 44;

19, 2; 20, 7). Sanctus Paulus deinde eius christologicum demonstrat funda-

mentum: Pater in Christo « elegit nos (...) ante mundi constitutionem, ut

261 Cfr. Propositio 33. 262 Cfr. Propositio 45. 263 Cfr. Conc. Oecum. Vat. II, Const. dogm. de Ecclesia Lumen gentium, 39-42.