388 Acta Apostolicae Sedis - Commentarium Officiale

MATRITENSIS

Beatificationis et Canonizationis Servi Dei Emmanuelis Herranz Establés Sa-

cerdotis Dioecesani Fundatoris Congregationis Ancillarum a Virgine Perdolenti

(1880-1968)

DECRETUM SUPER VIRTUTIBUS

« Caritas Christi urget nos » ( 2 Cor 5, 14).

Excitans effatum apostoli Pauli propositum constituit quod Servus Dei

Emmanuel Herranz Establés sua in vita est prosecutus. Eius caritas revera

immensa fuit, ardens, tenera, splendida, subtilis, delicata et sincera; illa

fundamentum fuit eius vitae atque navitatis. Amor eius erga Dominum, quem

in oratione colebat, efficit ut magno animo se fratribus egentioribus dicaret.

Servus Dei in Campillo de Duenas (in provincia Guadalaiarae) die 1

mensis Ianuarii anno 1880 natus est et eodem die baptizatus. Sua in fre-

quenti familia, bene de rebus domesticis constituta et profunde religiosa,

bonam accepit educationem et adulescens vocationis ad sacerdotium signa

praesensit. Ideo post primam institutionem scholasticam iter formationis

Seguntina in urbe adimplevit atque die 28 mensis Maii anno 1904 presbyter

est ordinatus, quem duo fratres eius sacerdotes, Anselmus et Hilarius, sunt

comitati. Veluti coadiutor Hilarii, parochi, ministerium coepit Matritensi in

dioecesi exercere.

Inter homines spiritali in ambitu derelictos ingressus est, scholis, sacellis,

catechesi carentes, videlicet tenuiores et demissos. His in circumstantiis

Servus Dei se ministrum exemplarem demonstravit, sollicitum de pauperi-

bus, caritate eminentem animoque aperto. Caritas eius potissimum infirmos

iuvabat, infantes et iuvenculas matres, qui videlicet praecipue a vita sociali

excludebantur et de quibus alii lucrabantur. De ultimis praesertim sollici-

tus, Servus Dei scholam dominicalem aedifìcavit, et postea Congregationem

fundavit Ancillarum a Virgine Perdolenti.

Valde in praedicatione diligens, in sacramentorum administratione et

in consociationibus catholicis, etiam diffìcilibus annis belli civilis suam na-

vitatem non deminuit. Sed eius paroecia globis displodentibus diruta est

atque Servus Dei coactus est ut refugium apud quasdam legationes quae-

reret. Attamen agnitus est ab illis qui Ecclesiam persequebantur, dum in