68 Acta Apostolicæ Sedis - Commentarium Officiale

ACTA CONGREGATIONUM

CONGREGATIO DE CAUSIS SANCTORUM

TAURINENSIS

Beatificationis et Canonizationis Servi Dei Adolfi Barberis Presbyteri dioecesani et Fundatoris Instituti Famulatus Christiani († 1884-1967)

DECRETUM SUPER MIRACULO

« Per 'fiat ' illud voluntas nobis declaranda est quaecumque Deo placet,

omnia scilicet, vere omnia, et quoquo modo accipiendi ac faciendi ».

His Servus Dei Adolfus Barberis fidei suae, quae dictitabat, verbis pro-

funditatem et perseverantiam suam ac perfectam benignamque divinae Pro-

videntiae placitis adhaesionem dilucide pandit.

Servus Dei die 1 mensis Iunii anno 1884 Augustae Taurinorum natus

est. Die 29 mensis Iunii anno 1907 presbyteratu auctus est, Archiepiscopo

Augustino Card. Richelmy imponente manus, qui eidem, mutuo nexu coope-

rationis et fiduciae instaurato, ab anno 1906 usque ad annum 1923 Secretarii

commisit officium. Vir optime eruditus et varius ingenio, Adolfus plurimis

praeter Secretariatum functus est muneribus: ex fundatoribus, enim, fuit

Operis dioecesani pro Peregrinationibus, sicut et lectionum archaeologiae et

artis sacrae apud Seminaria fautor, praedicationi se devovit, admodumque

subsidiis profugis clericisque tempore primi totius mundi belli militibus mi-

nistrantibus praestandis attendit; Collegium insuper Universitati Studiorum

adnexum « Augustinianum » nuncupatum fundavit necnon ephemeridem ca-

tholicam, cui « Bonae Hebdomadis » nomen seu vulgo La Buona Settimana,

quae ab anno 1920 in instrumentum officiale editae communicationis dioe-

cesanae immutata est.

Anno 1921, Famulatus Christiani suscitavit coetus ille, qui humanis vir-

tutibus praesertim christianisque mandatis et laboris institutis iuvenibus

mulieribus domesticis laboribus deditis seu, pro eiusdem sententia, famulis