Congregatio de Causis Sanctorum 671

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Beati Iacobi Illyrici

de Bitecto, laici professi ex Ordine Fratrum Minorum, in casu et ad effectum de

quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 19 mensis Decembris A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

MEDIOBURGEN. et MONACEN.

Beatificationis et Canonizationis Servae Dei Mariae Ward (in saeculo: Ioannae),

fundatricis Instituti Mariae Virginis (hodie Congregationis Iesu) (1585-1645)

DECRETUM SUPER VIRTUTIBUS

«Omnes amo in Deo, quia vivere non licet sine amore ».

Haec Venerabilis Servae Dei Mariae Ward, quae saepius repetere dilige-

bat, verba mira cum singularitate pietatis atque animi rationibus tantae

mulieris personare videntur, quae evangelio caritatis et servitii tempore

acrium societatis angustiarum eximia constantia adhaerere valuit, in seipsa,

Iesu Crucifixi amantissima nupta, peculiari conformitate imaginem perficiens

«mulieris fortis » illius in Sacris Scripturis recurrentem.

Venerabilis Serva Dei die 23 mensis Ianuarii anno 1585 in vico v.d. Mul-

with prope Riponiam, in pago Angliae Eboracensi, nata est, ad baptismalem

fontem ducta nomen sumens Ioannae, quod postea in Mariam mutavit.

Parentes eius, ex vetusto ac nobili rurum possessorum genere, cum fervidi

christifideles catholici essent, ea tempestate tam religionis conflictationibus