Acta Benedicti Pp. XVI 751

essemus sancti et immaculati in conspectu eius in caritate » (Eph 1, 4). Ita

possumus audire uti unicuique nostrum conversam salutationem ad fratres

sororesque Romanae communitatis: « Dilectis Dei, vocatis sanctis: gratia

vobis et pax a Deo Patre nostro et Domino Iesu Christo » (Rom 1, 7).

a) Verbum Dei et Ministri ordinati

78. Ante omnia, dum nunc ad Ministros ordinatos Ecclesiae animum

Nostrum vertimus, in eorum memoriam revocamus quod in Synodo affirma-

tum est: « Verbum Dei est omnino necessarium in corde boni pastoris, qui sit

Verbi minister, formando ».264 Episcopi, presbyteri, diaconi minime intendere

possunt suam vivere vocationem missionemque sine studio certo et renovato

sanctificationis, quae in consuetudine cum Bibliis unum ex suis habet susten-

taculis.

79. Pro iis qui ad episcopatum vocantur et primi sunt et maiore aucto-

ritate praediti Verbi praecones, confirmare desideramus quod Summus Pon-

tifex Ioannes Paulus II in Adhortatione apostolica postsynodali Pastores

gregis dixit. Ad spiritalem vitam alendam et promovendam, Episcopus debet

semper lectioni ac Verbi Dei meditationi principem concedere locum.

« Quisque Episcopus debebit se committere seseque commissum animadver-

tere ''Deo et verbo gratiae ipsius, qui potens est aedificare et dare heredita-

tem in sanctificatis omnibus'' (Act 20, 32). Quapropter antequam est Verbi

praeco Episcopus, una cum suis sacerdotibus et sicut quisque fidelis, immo

sicut ipsa Ecclesia, Verbi debet esse auditor. Immo veluti interius Verbum

incolere debet, ut ipso veluti matris gremio custodiatur et alatur ».265 Ad

imitationem Mariae, Virginis audientis et Reginae Apostolorum, omnibus

fratribus in episcopatu frequentem suademus personalem lectionem atque

assiduum sacrae Scripturae studium.

80. Ad sacerdotes quoque quod attinet, verba Summi Pontificis Ioannis

Pauli II recolere velimus, qui in Adhortatione apostolica postsynodali Pasto-

res dabo vobis affirmavit: « Est enim imprimis sacerdos Verbi Dei administer,

cum consecratus et missus sit ad nuntiandum hominibus universis Evange-

lium Regni, singulos ad oboedientiam fidei provocando et christifideles per-

ducendo ad profundiorem in dies notitiam et communionem Dei mysterii,

264 Propositio 31. 265 N. 15: AAS 96 (2004), 846-847.