Congregatio de Causis Sanctorum 389

custodia tenebatur vexationibus subiectus est quae eum velut exanimatum

reddiderunt, atque multos dies sine cibo transegit.

Post bellum iterum ad omnes suas rediit navitates, maiore cum fatiga-

tione ob damna rerum animorumque contentione provocata. Eius consilium

instituendi Piam Unionem semper solidius efficiebatur, quae recognitura

erat postea veluti religiosa Congregatio Ancillarum a Virgine Perdolenti,

cuius constitutiones iam scripserat et proposita definiverat. Mortuo fratre

Hilario, oeconomus factus est paroeciae et deinde parochus.

Sententia eius praecipua fuit: « Omnia facere pro Christo et animis ». Glo-

riam Deo dare, iter ad sanctitatem percurrere per altum Christi fratrumque

amorem, exque adoratione eucharistica vim ad iuvandos infirmiores haurire:

hoc triplex propositum, quod Servus Dei suis concredidit sororibus, fuit

etiam eius vitae propositum. Extraordinariam explevit navitatem, de populo

deque puellis matribus dignae vitae restituendis iugiter sollicitus, simul cum

cura earum filiorum, illas ad honestam vitam dirigens. Vir hospitalitatis et

magnanimitatis, « omnia omnibus » revera est factus. Alta et serena firmi-

tudine eminuit, Christo fidelis semper manens atque necessitatibus Populi

Dei. Evangelium cum gaudio nuntians et sine dubitationibus, perfecte spi-

ritualitatem eucharisticam coniungere valuit cum munere caritativo.

Interea eius valetudo infirmari coepit et morbi quidam ei multum pro-

vocaverunt dolorem. Infìrmitas coegit eum ut in lectulo quinque fere per

annos iaceret. Etiam hac in conditione se veluti exemplum manifestavit

patientiae, in habitu plene voluntati Dei conformatus. Die 29 mensis Iunii

anno 1968 Matriti pie in Domino obdormivit.

Fama sanctitatis iam in vita eum circumdedit, post obitum aucta est;

quam ob rem apud Curiam archiepiscopalem Matritensem Inquisitio dioe-

cesana a die 28 mensis Ianuarii anno 1988 usque ad diem 2 mensis Iulii

anno 1991 est peracta, cuius iuridica validitas per Decretum die 21 mensis

Maii anno 1993 a Congregatione de Causis Sanctorum est recognita. Para-

ta Positione, disceptatum est, iuxta suetas normas, an Servus Dei virtutes

heroico modo exercuisset. Peculiaris Consultorum Theologorum Congressus

die 18 mensis Novembris anno 2011, positivo cum exitu, habitus est. Patres

Cardinales et Episcopi in Sessione Ordinaria die 17 mensis Decembris anno

2013 congregati, me, Angelo card. Amato, moderante, edixerunt Servum

Dei heroico modo virtutes theologales, cardinales iisque adnexas excoluisse.