Congregatio de Causis Sanctorum 1029

DUBLINENSIS

Beatificationis et Canonizationis Servi Dei Ioannis Sullivan Sacerdotis Professi e Societate Iesu († 1861-1933)

DECRETUM SUPER VIRTUTIBUS

« Beati pauperes spiritu, quoniam ipsorum et regnum caelorum » ( Mt 5, 3).

Quae beatitudo Domini Iesu vitae, sanctitatis et orationis Servi Dei

Ioannis Sullivan summarium esse videtur. Ille enim, postquam ad catholicam

fidem adductus est, se Christo totum dedicavit, qui et amore egentium et

cura aegrotantium praesertim manifestavit.

Servus Dei, die 8 mensis Maii anno 1861, Dublini natus est. Parentes

autem eius diversae confessionis erant: pater quidem, Sir Edward Sulli-

van, primus inter iudices Hiberniae ( Lord Chancellor), sodalis Ecclesiae

Anglicanae erat; mater autem, Bessie Josephine Sullivan, catholica. Ioannes

quidem, die 15 mensis Iunii anno 1861, in anglicana ecclesia Sancti Georgii

baptizatus est et in confessione patris educatus.

Anno 1873 ad collegium in civitatem Enniskillen, Northern Ireland ( Por-

tora Royal School) missus est, ubi iam fratres eius alumni erant. Hoc colle-

gium inter primas scholas protestanticas in Hibernia aestimabatur. Quo in

collegio Ioannes ita contentus erat ut, studiis adimpletis, ab illo lacrimans,

ut ipse dixit, discederet. Postquam Portora reliquit, Ioannes ad universita-

tem Collegii Trinitatis Dublini ivit, ubi studiis classicis vacare incepit. Has

autem doctrinas post aliquos annos summa cum laude perfecit, palma in

litteris classicis accepta. Quibus consummatis, studia iuris assumere incipie-

bat quando pater eius, Sir Edward Sullivan, inopinato mortuus est. Tanto

dolore affectus, Ioannes Hiberniam reliquit et Londinium venit ut studia

iuris ad finem perduceret, id quod anno 1888 denique fecit. Sequentibus

annis Servus Dei, hereditate affluente accepta, iucunde Londinii locuples

vivebat. Multum tamen ei placebat amoena Europae loca peragrare, exem-

pli gratia Montem Athos in Graecia, ubi monachos amicitia sibi coniunxit.

Anno vero 1896, ipse triginta quinque annos natus, vitam suam mutavit

cum ad catholicam fidem in ecclesia Societatis Iesu, Farm Street, Londinii,

conversus esset. Ab illo tempore mores singulariter permutavit. Ad domum

familiae suae Dublini reditus, modum vitae simplicissimum amplexus est.