Congregatio de Causis Sanctorum 405

licet inter aerumnas nullomodo querebatur atque aequo vultu omnia accipie- bat. Quae omnia vero per biennium expertus est. Demum corporis viribus paulatim senuit. Summis diebus filii ei astiterunt, qui eum apisci valuerant, sed praesertim coniunx Dominica, quae eum caritatis ac fiduciae divinae vo- luntatis suggerens actus recreavit. Valde mane diei 12 mensis Octobris anno 1966 valetudo Servi Dei adeo in peius ruit, ut mulier eum adiuvaret clami- tans: « Sergi! O beata Virgo Maria, Mater Iesu! ». His verbis Sergius suaviter respondit: « Fac nos sanctos! », quibus dictis exspiravit.

Ob continuatam ac pervulgatam sanctitatis Servi Dei eiusque coniugis Dominicae famam, quae anno 1971 occubuit, necnon piorum facinorum in memoriam atque gratiarum eorum intercessioni tributarum, Causa Beatifica- tionis et Canonizationis apud Curiam Archiepiscopalem Mutinensem-Nonantu- lanam inita est per celebrationem Inquisitionum dioecesanarum super ambos coniuges a die 20 mensis Maii anno 2006 ad diem 8 mensis Maii anno 2008. Inquisitionis super Servum Dei auctoritas et vis iuridica ab hac Congregatio- ne de Causis Sanctorum die 20 mensis Novembris anno 2009 probatae sunt. Positione confecta, die 18 mensis Decembris anno 2014 in Congressu Peculiari Consultorum Theologorum prospero cum exitu disceptatum est, iuxta consue- tudinem, an Servus Dei more heroum virtutes christianas exercuisset. Patres Cardinales et Episcopi in Sessione Ordinaria diei 21 mensis Aprilis anno 2015, cui egomet ipse Angelus Cardinalis Amato praefui, professi sunt Servum Dei virtutes theologales, cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per in- frascriptum Cardinalem Praefectum accurata relatione, Sanctitas Sua, vota Congregationis de Causis Sanctorum excipiens rataque habens, hodierno die declaravit: Constare de virtutibus theologalibus Fide, Spe et Caritate tum in Deum tum in proximum, necnon de cardinalibus Prudentia, Iustitia, Temperan-

tia et Fortitudine iisque adnexis in gradu heroico Servi Dei Sergii Bernardini,

Christifidelis Laici et Patrisfamilias, in casu et ad effectum de quo agitur. Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

angelus CarD. amato, s.D.B. Praefectus

L. G S.

G marCellus BartoluCCi Archiep. tit. Mevaniensis, a Secretis