VERSALIEN. SEU PARISIEN. 71

eius in uxorem vehementi animi indignatione, merito uti suspectum habendum esset.

In horum testium examine (diverse ex Iudicum com- missione peracto) tam in prima quam in secunda instantia servata est ad unguem norma, a Constitutione Benedictina Dei miseratione et a S. C. C. Instructione praescripta. Hoc unum in actis adnotatum non reperi, utrum scilicet in examine Domini Radiguet, delatum ipsi fuerit iuramentum de veritate dicenda, atque de secreto servando. Ceterum firmiter teneo iuris praescriptum, etiam quoad hunc testem, fuisse ad amussim servatum; at amanuensis forte oscitan- tia, in acta non relatum. Magnopere optaverim, quod Iu- dices, saltem inter acta extraiudicialia, inseruissent causas et sententiam declaratoriam divortii matrimonii a civili Tri- bunali Boulogne-sur-mer latam. Nemo non videt, quod do- cumentum hoc, novum pondus maioremque lucem quaestioni huic addidisset.

Pauca nunc de testium fidei dignitate atque veracitate. Sane, utraque videtur ipsis omnino adscribenda. Siquidem, Iudex primae instantiae, sententiae prolationi, haec prae- mittit: « Attendentes quod si testes maiori ex parte cogna- tione aut amicitia cum Actrice coniunguntur, eiusdemque infortunio commoti apparent, tales sunt tamen de eorum honestate et prudentia informationes, ut eorum testimonio certa fides adhibenda sit ». Horum autem testium, non sen- tentiarum tantum, sed interdum verborum quoque miram congruentiam, non collusionis vitio (quod ex actis minime apparet), sed ipsimet rerum gestarum evidentiae, arbitror esse tribuendam. Parem iis haud videntur fidem mereri, Reverendus Dominus Alphonsus Débette arctissimo amicitiae vinculo familiae viri devinctus, Dominus Eques Alexander de Guillebon, et Paulus d' Anville, ambo consanguinei viri. Etenim explorata res est, hos, in hac causa, partium stu- dio duci, prout constat ex eorum ad comparendum relucta- tione, animique cunctatione, qua ad propositas quaestiones reposuerunt. Placeat ex ore Iudicum audire, quid praeser-