Acta Apostolicae Sedis - Commentarium Officiale232

amore ac simplicitate amplexus. Mox vero corporis dolores etiam aegrimo-

niae, eaeque propter aliorum invidiam et inclementiam, cumularunt, quibus

animus eius valde afflictus est.

Servus Dei in patria mortuus est die 29 mensis Iunii, anno 1969.

Ob increbrescentem sanctimoniae famam Exc.mus Episcopus Nicotriensis-

Tropiensis Causae beatificationis et canonizationis initium fecit per Inquisitio-

nem dioecesanam, a die 11 mensis Februarii anni 1982 ad diem 29 mensis Iunii

anni 1988 conditam, cuius vim iuridicam haec Congregatio de Causis Sancto-

rum ratam duxit per decretum die 22 mensis Iunii, anno 1990, latum. Positione

confecta, die 23 mensis Martii, anno 2007, habitus est Congressus Consultorum

Theologorum, qui, postquam more tralaticio disputarunt num Dei Servus evan-

gelicas virtutes in gradu heroico exercuisset, suam favorabilem aperuere sen-

tentiam. Amplissimus denique Purpuratorum Patrum et Antistitum Coetus, in

Comitiis Ordinariis quae die 6 mensis Novembris, eodem anno 2007, gesta sunt,

audita relatione Exc.mi D.ni Hieronymi Grillo, Episcopi emeriti Centumcella-

rum-Tarquiniensis, Causae Ponentis, agnoverunt Franciscum Mottola, Dei Ser-

vum, theologales et cardinales iisque adnexas virtutes, heroico quidem in gradu,

exercuisse.

Facta postmodum de hisce omnibus rebus Summo Pontifici Benedicto XVI

per infrascriptum Cardinalem Praefectum accurata relatione, Beatissimus Pa-

ter, vota Congregationis de Causis Sanctorum excipiens rataque habens, subsi-

gnata die pronuntiavit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia, Tem-

perantia et Fortitudine, eisque adnexis, in gradu heroico, Servi Dei Francisci

Mottola, sacerdotis dioeceseos Tropiensis, Fundatoris Instituti saecularis Oblata-

rum S. Cordis, in casu et ad effectum de quo agitur.

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis