Acta Apostolicae Sedis - Commentarium Officiale752

nobis in Christo revelati et communicati ». Quamobrem ipse sacerdos primum

magnam personalem consuetudinem cum Verbo Dei fovere debet. Ei « non

sufficiet linguisticos dumtaxat et exegeticos aspectus novisse, licet id quoque

necessarium sit; accedendum enim ad Dei Verbum est, corde docili et orante,

ut sic possit ipsum cogitationes et affectum sacerdotis penitus permeare no-

vamque instruere mentis conformationem - ''sensum Domini'' (1 Cor

2, 16) ».266 Itaque eius verba, optata et gestus magis magisque sint oportet

perluciditas, nuntium et testimonium Evangelii; « tantummodo si in Verbo

''remaneat'', poterit sacerdos fieri perfectus Domini discipulus; tum verita-

tem discernet; tum vere liber erit ».267

In summa, vocatio ad sacerdotium consecrationem « in veritate » postulat.

Ipse Iesus ad suos quod attinet discipulos hanc significat necessitatem:

« Sanctifica eos in veritate; sermo tuus veritas est. Sicut me misisti in mun-

dum, et ego misi eos in mundum » (Io 17, 17-18). Discipuli quodammodo « in

intimam Dei naturam trahuntur per immersionem in Verbum Dei. Verbum

Dei est, ut ita dicamus, lavacrum quod eos purificat, potentia creatrix quae

eos in filios Dei transformat ».268 Cum ipse Christus Verbum Dei sit quod caro

factum est (Io 1, 14), est « ipsa Veritas » (Io 14, 6), idcirco precatio Iesu ad

Patrem « Sanctifica eos in veritate » altiore sensu sibi vult: « Redde eos unum

mecum, Christo. Colliga eos mecum. Trahe eos in me. Adest revera unus

sacerdos Novi Foederis, ipse Iesus Christus ».269 Necesse est igitur ut sacerdo-

tes semper penitius conscientiam renovent huius realitatis.

81. Agere velimus de pondere Verbi Dei in vita etiam illorum qui ad

diaconatum vocantur, non solum uti praevium gradum ordinis presbyteratus,

sed tamquam permanens ministerium. Directorium pro institutione diacono-

rum permanentium affirmat quod « ex identitate theologica diaconi lineamen-

ta spiritualitatis propriae perspicue efflorescunt, quae quidem ut spiritualitas

servitii potissimum exhibetur. Exemplar per excellentiam est Christus ser-

vus, qui suam vitam totus in servitium Dei et in bonum hominum impen-

dit ».270 Hoc in prospectu percipitur quod, in variis dimensionibus diaconalis

ministerii, « elementum specificum spiritualitatis diaconalis est Verbum Dei,

266 N. 26: AAS 84 (1992), 698. 267 Ibid. 268 Benedictus XVI, Homilia in Missa Chrismatis (9 Aprilis 2009): AAS 101 (2009), 355. 269 Ibid. 356. 270 Congregatio de Institutione Catholica, Ratio fundamentalis institutionis diaconorum

permanentium (22 Februarii 1998), 11: Ench. Vat. 17, n. 174-175.