70 Acta Apostolicæ Sedis - Commentarium Officiale

et opibus pauper, castam atque austeram degit vitam, Superioribus etiam

dissensiones inter et difficultates oboediens, cum iugiter esse vellet « totus

in Ecclesia, totus cum Ecclesia, nihil extra Ecclesiam », sicuti in Constitutio-

nibus Instituti Sororum Famulatus Christiani firmiter scriptum contendit.

Morbis saepius correptus, Servus Dei demum Augustae Taurinorum die

24 mensis Septembris anno 1967, octoginta tres annos natus, filiabus spiri-

tualibus praecinctus, pie in Domino quievit, cuius exuviae in ecclesia Iesu

apud Domum Generalem Instituti tumulatae sunt.

Ob sanctitatis famam, qua Servus Dei sive vivus sive post mortem maxime

gavisus est, Causa Beatificationis et Canonizationis apud Curiam Archiepis-

copalem Taurinensem inita est per celebrationem Inquisitionis dioecesanae

a die 8 mensis Februarii anno 1995 ad diem 4 mensis Iulii anno 1998, cuius

auctoritas et vis iuridica a Congregatione de Causis Sanctorum die 26 men-

sis Februarii anno 1999 probatae sunt. Positione confecta, die 15 mensis

Ianuarii anno 2013 in Congressu Peculiari Consultorum Theologorum pros-

pero cum exitu disceptatum est, iuxta consuetudinem, an Servus Dei more

heroum virtutes christianas exercuisset. Patres Cardinales et Episcopi in

Sessione Ordinaria diei 4 mensis Martii anno 2014, cui egomet ipse Angelus

Cardinalis Amato praefui, professi sunt Servum Dei virtutes theologales,

cardinales iisque adnexas in modum heroum exercuisse.

Facta demum de hisce omnibus rebus Summo Pontifici Francisco per

infrascriptum Cardinalem Praefectum accurata relatione, Sanctitas Sua vota

Congregationis de Causis Sanctorum excipiens rataque habens, hodierno

die declaravit: Constare de virtutibus theologalibus Fide, Spe et Caritate

tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servi Dei Adolfi

Barberis, Presbyteri Dioecesani et Fundatoris Instituti Famulatus Christiani,

in casu et ad effectum de quo agitur.

Hoc autem decretum publici iuris fieri et in acta Congregationis de

Causis Sanctorum Summus Pontifex referri mandavit.

Datum Romae, die 3 mensis Aprilis a.D. 2014.

AngeluS CArD. AmAto, S.D.B. Praefectus

L. G S.

G mArCelluS BArtoluCCI Archiep. tit. Mevaniensis, a Secretis