72. De sancta Opportuna.

In 1. Vespcris.

Antiphonae.

1. Salve, virgo, salve, pia,

Salve, decora specie,

Sponsa regis et filia,

Splendor miscricordiae,

Salve, caecis dulcis via,

Exemplum patientiae,

Exclude cordis vitia,

Da donum sapientiae.

2. Opportuna piissima,

Omni plena dulcedine,

Exonera, sanctissima,

Nos ab omni pecamine,

Ut tuo ad altissima

Transcendamus precamine.

3. O felix proles regia,

Quae tam dignam produxit

filiam,

Quae curae mundi nescia

Summi regis percepit gratiam,

Pudoris ferens lilia

Ad coelestem pervenit patriam.

i. Sponso exivit obvia

Sponsa servans vigilias,

Thori delicti nescia

Introivit ad nuptias,

Suas fert patri filia

Castitatis primitias.

5. Est in Roma vox audita,

Hac ad palmam transmigrata

Rachel gaudet consolata,

Sponsa sponso sociata.

Hac laetemur triumphata,

Caritate, spe probata,

Ut nostra sit advocata

Virgo caelis coronata.

R. Christi virgo speciosa,

Cujus vita gloriosa

Refulget memoria,

Gemma nitens pretiosa,

Hac in valle procellosa

Fer reis remedia,

V. Ut elapsis fructuosa

Tua prece copiosa

Detur Christi gratia.

Ad Completorium.

Super Psalmos.

A. Opportuna, virgo pia,

Ab omnibus nos expia

Peccatis tuis precibus,

Confractis hostis viribus.

Ad Nunc dimittis.

Evigila super nos, virgo bona,

Et per te luminis sumamus dona

Et noctis caveamus tenebras

Et labentis mundi illecebras.

Ad Matutinum.

Invitatorium.

Adoretur

rex, sponsus virginum,

Cujus fertur

virtute lucidum

Opportuna

ad Abrahae sinum.

In 1. Nocturno.

Antiphonae.

1. Opportuna,

Dei virgo electa,

In divina

caritate perfecta,

Scuto spei

ac fidei ornata,

Castitatis

lilio roborata

Ideoque

ab angelis elata,

In choro es

virginum coornata.

2. O quam hujus

vita laudabilis,

Cujus lampas

inexstinguibilis,

Sit pro nobis

haec deprecabilis,

Ut sit nostri

rex miserabilis

Adveniens

judex terribilis.

3. Solemnitatem

Opportunae

Virginis almae

Suscipientes

Corde supplici

Laudes Domino

Persolvamus,

Qui ei perpetuam

Dedit gloriam,

Ut piis ejus meritis

Peccatorum

Consequamur veniam.

Responsoria.

1. Sacram hujus eximiae

Solemnitatem virginis

Celebremus in hac die

Repulsa labe criminis,

Quae linquens hoc exsilium,

Cursu adepta bravium,

Palmam gerens victoriae

Fertur ad thronum gloriae,

V. Quod cum praecelsa virgine

Cunctisque coeli civibus

Pietatis dulcedine

Concessa nobis gratia

In Christi sonet auribus.

2. Virgo prudens et fidelis,

Firma Christi sub loquelis

Litus mam graditui,

Munda mundi de quaerelis

Angelorum laude cadis

Ovanter accipitur,

Cujus festo plebs Iactetur,

Ut per ipsam confirmetur

In Christi regimine.

V. Cor oppressum sublevetur

Et ab hoste liberetur

Virginis praecamine.

3. O Dei felix ancilla,

Pauperum dulcis mamilla,

Jubar sexus feminei,

Agonizans jugo Dei,

Cujus Christi famulatu

Fluit aetas in ornatu

Supernae scientiae,

Funde preces pro miseris,

Tu quae regnas in superis,

Omnis expers miseriae.

V. Tua nos intercessio

Excuset in judicio,

Ne currente justitia

Trahamur ad supplicia.

In Laudibus.

Antiphonae.

1. Deum laudemus pariter,

Qui sanctam facit jugiter

Opportunam in populis

Clarescere miraculis.

2. Haec regis colens horrea

Granum traxit a palea

Delicta vitans carnea

Vivens sub Christi linea

Luce fertur aetherea.

3. O in omni

virgo laudabilis,

O in omni

Deo amabilis,

O in omni

virtute stabilis,

O meritis

et fide nobilis,

Fac, quos actus

probat culpabilis,

Dignos esse

regni mirabilis.

4. O quam vera fatornitas,

O inquam mira dignitas,

Quod vim vincit vis virginis

Fortium multitudinis

Erigendo sanctissimum

Fratris corpus exanimum.

5. Flagrat virgo

in Christi moribus

Cunctis obstans

daemonum viribus,

Mirificis

pollens virtutibus

Aegros sanat

multis languoribus,

Sanos juvat

dignis in precibus.

Ad Benedictus.

A. O miranda

virginis puritas,

Quam declarat

angeli dignitas,

Summo regi

qui parans filiam

Introducit

ad ejus regiam,

Opportunam

repletam numine,

Hoc meritis

jam dictam nomine.

Ad parvas Horas.

Ad Tertiam.

A. Gaudet chorus coelestium

Imitata ad praemium

Virgine et virgineo

Conjuncta coeli cuneo.

Ad Sextam.

A. Accincta foititudine

Virgo Christi regimine,

Amicta stola candida

Sedo gaudet lucida.

Ad Nonam.

A. Mole carnis haec exuta

Est optatum consecuta,

Quam in mundo concupivit,

Coelo semper vita vivit;

Illuc prece nos includat,

Hic a malis non excludat.

In 2. Vesperis.

Ad Magnificat.

A. Hodie coelesti sponso

sponsa advocatur,

Hujus lapso cursu vitae

vita gloriatur,

Nos in ejus solemniis

digniter laetemur,

Ut in Christo per ejus

merita gloriemur.

Per O ctavam.

Ad Magnificat.

A. Opportuna piissima,

Roga Deum, dulcissima,

Ut auferat miseriam,

Nobis concedat veniam,

Prece tua relevemur,

In excelsis sublevemur,

Ibi tecum maneamus,

Sine fine gaudeamus.