Congregatio de Causis Sanctorum 673

permanavisset, dissensiones, tamen, deinde adeo flagraverunt, ut non modo

Congregatio supprimeretur, sed fundatrix ipsa vinculorum ignominiam

Monachii in Bavaria acciperet.

Tantis in angustissimis adiunctis magnanimitas vero Mariae Ward eni-

tuit, sicut et eminens atque heroica eius virtus. Conscia innocentiae suae,

persequi iugiter voluit quod Deus ipsi clare revelandum curaverat. Miro ergo

fidei, oboedientiae atque humilitatis actu semitas Domini omnibus abditas

suscepit et numquam defecit summae ac purae fidelitati suae erga Romanum

Pontificem, quam iam inde a iuventute vixit et iugiter professa est.

Opus et fama eius perierunt, cum Maria, iam graviter infirma, in patriam

Angliam rediit, ubi pauperrima die 30 mensis Ianuarii anno 1645 obiit.

Exuviae depositae sunt in coemeterio ecclesiae Anglicanae Sancti Thomae

in vico Osvaldi.

Tametsi plures excussae sunt difficultates quoad acta eius et Institutum

ab ipsa fundatum, ob celebratam Servae Dei sanctitatis famam, quae magis

in dies post mortem increvit, apud Curias Medioburgensem a die 11 mensis

Octobris anno 1929 ad diem 14 mensis Decembris anno 1932 et Monacensem

in Bavaria a die 7 mensis Iulii anno 1930 ad diem 17 mensis Martii anno

1932 Processus Ordinarii celebrati sunt, cuius auctoritas et vis iuridica a

Congregatione de Causis Sanctorum Decreto diei 20 mensis Maii anno 1994

probatae sunt. Positione confecta, die 3 mensis Octobris anno 1995 in

Sessione Consultorum Historicorum et die 22 mensis Maii anno 2009 in

Congressu Peculiari Consultorum Theologorum prospero cum exitu discep-

tatum est, iuxta consuetudinem, an Serva Dei more heroum virtutes chris-

tianas exercuisset. Patres Cardinales et Episcopi in Sessione Ordinaria diei

17 mensis Novembris anno 2009, audita relatione Excellentissimi

Domini Petri Iacobi De Niccolò, Archiepiscopi titularis Martanaënsis

Tudertinorum, Causae Ponentis, professi sunt Servam Dei Mariam Ward,

fundatricem, virtutes theologales, cardinales iisque adnexas in modum

heroum coluisse.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de virtutibus theologalibus Fide, Spe et Cari-

tate tum in Deum tum in proximum, necnon de cardinalibus Prudentia, Iustitia,

Temperantia et Fortitudine iisque adnexis in gradu heroico Servae Dei Mariae