Congregatio de Causis Sanctorum 535

Beatificationi prospiciens, Postulatio huius Causae iudicio Congregationis

de Causis Sanctorum coniectum exhibuit mirum eventum, in pago Mong

Yaung anno 1998 patratum, sanationem scilicet pueri Iosephi Thayasoe a

veternoso statu in quem incidit ex gravi traumate cranico. Die 1 mensis

Februarii eiusdem anni puer ex arbore dilapsus est caput cuidam lateri

impingens. Itaque in vicinum valetudinarium exceptus est, ubi, clinicis

curationibus peractis, declaratus est gravis valetudinis status eo ut

perveniret ad totalem absentiam communicationis: puer per aliquot dies,

licet respirare pergeret, nullum motorium signum ostendebat. Perspicue

praevidebatur infausta quoad vitam prognosis.

Ita stantibus rebus, ut spes positivae progressionis minime haberetur,

soror Teresia Pan, praeposita orphanotrophio, quo Iosephus Thayasoe excep-

tus erat, de consilio medici a cura illius valetudinarii, Buddhisticam fidem

profitentis, statuit ut ad Venerabilem Servum Dei orationes effunderentur; et

per novendiales precationes implicavit quoque iuvenes amicos pueri infirmi,

ad eius impetrandam sanationem per intercessionem Venerabilis Servi Dei.

Quarto ineunte die, mane scilicet diei 4 mensis Februarii, celerrima compro-

bari potuit expergefactio pueri, qui petivit aliquid ad manducandum ac

rursus desiderium expressit ad res suae utilitatis redeundi. Peracta inspectio

clinica nullum ostendit defectum neuropsychicum, immo etiam plenum

exhibuit conscientiae statum ac sine residuis. Evidens exstitit congruentia

chronologica et nexus inter invocationem ad Venerabilem Servum Dei et

sanationem Iosephi Thayasoe, qui in praesens bona utitur valetudine necnon

consuetam communicationis vitam gerere potest.

De hoc asserto miraculo, apud Curiam dioecesanam Kengtunghensem a

die 3 ad diem 9 mensis Iulii anno 2004 instructa est Inquisitio dioecesana,

cuius iuridicam auctoritatem approbavit Congregatio de Causis Sanctorum

Decretum evulgans die 3 mensis Februarii anno 2006. Acta quae ex

dioecesana Inquisitione sunt collecta, deinceps, die nempe 25 mensis Martii

anno 2010, examini Consilii Medicorum huius Dicasterii subiecta sunt. Medici

enim confirmaverunt gravem valetudinis condicionem parvi infirmi, et

edixerunt citatam excitationem a veternoso statu necnon rapidam conscien-

tiae recuperationem pueri, ex scientiae medicae legibus explicari non posse.

Ulterius apud Archidioecesim Mediolanensem perfectae sunt aliae scientificae

indagationes, quae exceptionalem et inexplicabilem huius eventus condicio-

nem fuisse demonstraverunt. Die 15 mensis Ianuarii 2011 actus est Con-

gressus Peculiaris Consultorum Theologorum, ac die 22 sequentis mensis