Congregatio pro Episcopis 391

CONGREGATIO PRO EPISCOPIS

ANCORAGIENSIS de concathedralis erectione

DECRETUM

Ut spirituali Populi Dei bono aptius consulatur utque pastorale suum ministerium efficacius adimplere valeat, Exc.mus P.D. Rogerius Laurentius Schwietz, O.M.I., Archiepiscopus Ancoragiensis, ab Apostolica Sede expos- tulavit, ut templum, Deo dicato in honorem Sanctae Mariae Guadalupen- sis, in vico Anchorage vulgo nuncupato extans, ad dignitatem et fastigium ecclesiae Concathedralis eveheretur.

Congregatio pro Episcopis, præhabito favorabili voto Exc.mi P.D. Caroli Mariæ Viganò, Archiepiscopi titularis Ulpianensis et in Civitatibus Foede- ratis Americae Septentrionalis Apostolici Nuntii, vigore specialium faculta- tum sibi, a Summo Pontifice Francisco, Divina Providentia PP. tributarum, oblatis precibus benigne annuendum censuit.

Quapropter suppleto, quatenus opus sit, eorum interesse habentium vel habere praesumentium consensu, praesenti Decreto, perinde valituro ac si Apostolicae sub plumbo Litterae datae forent, deceruit, ut, servata archidioe- cesis Ancoragiensis Cathedrae episcopalis dignitate, memoratum templum Sanctae Mariae Guadalupensis, titulo ac fastigio Concathedralis ecclesiae condecoretur, cum omnibus iuribus, honoribus et privilegiis ac oneribus et obligationibus quae huiusmodi ecclesiis sunt propria.

Ad haec perficienda Congregatio pro Episcopis memoratum Exc.mum P.D. Carolum Mariam Viganò, Archiepiscopum titularem Ulpianensem, de- putat, necessarias et opportunas eidem tribuens facultates etiam subdele- gandi, ad effectum de quo agitur, quemlibet virum in ecclesiastica dignitate constitutum, onere imposito ad eandem Congregationem, ubi primus fas erit, authenticum exemplar actus peractae exsecutionis remittendi.

Datum Romae, ex aedibus Congregationis pro Episcopis, die 11 mensis Augusti anno 2014.

marcus card. ouellet Praefectus

c ilson De Jesus montanari

a Secretis