Congregatio de Causis Sanctorum 71

TAURINENSIS

Beatificationis et Canonizationis Ven. Servi Dei Aloisii a Maria Consolata (in saeculo: Andreae Bordino) Fratris Professi Congregationis Fratrum a S. Iosepho B. Cottolengo († 1922-1977)

DECRETUM SUPER MIRACULO

« Venerabilis Dei Servus Aloisius a Maria Consolata (in saec.: Andreas Bordi- no), Frater Professus Congregationis Fratrum a Sancto Iosepho Benedicto Cot- tolengo, in loco Castellinaldo, apud Cuneensem civitatem, die 12 mensis Augusti anno 1922 ortum habuit. A iuvenili inde aetate Actioni Catholicae deditus erat, et, altero universali bello iam exorto, miles conscriptus est corpori tormentario et funestam Russicae expeditionis experientiam oppetivit. Tempore quo captivitati subiectus est mirum perhibuit testimonium de patientia, de oratione, necnon de solacio quo vulneratos et moribundos est prosecutus. Hoc in rerum contextu signa vocationis ad vitam religiosam persensit, et, in patriam redux, consilium cepit vitam insumendi « in servitio infirmis egentioribus derelictis praestando ». Quapropter Taurinis anno 1946 ostium pulsavit Parvae Domus Divinae Pro- videntiae, ubi religiosum induit habitum et nomen sumpsit Fratris Aloisii a Maria Consolata. A latere medicorum eorumque valetudinis ministrorum vires impendit pro infirmis; eodem quoque tempore profundam gessit vitae spiritualis experientiam, apud omnes diffundens fìdem in Christum et spem ex eius cruce manantem, alacrem animum spargens et fortitudinem adversis in rebus, et in re exsequens paulinam sententiolam, a Sancto Iosepho Cottolengo praeoptatam, scilicet « Caritas Christi urget nos ». Anno 1975 leuchaemia mieloide perculsus est, quae duobus annis ad sepulcrum eum perduxit. Taurinis, summa sanctitatis fama circumdatus, die 25 mensis Augusti anno 1977 animam Domino tradidit. Summus Pontifex Ioannes Paulus II die 12 mensis Aprilis anno 2003 agnovit Aloisium a Maria Consolata heroico in gradu virtutes exercuisse.

Beatifìcationi prospiciens, Postulatio Causae iudicio huius Congregationis de Causis Sanctorum coniectam miram subiecit sanationem cuiusdam Sororis religiosae carcinomate afflictae. Soror haec, professae Congregationis a S. Io- sepho Cottolengo, mense Novembri anno 1989, quinquaginta et tres annos nata, vehementes dolores abdominis, simul cum eius sequenti voluminis incremen- to, necnon manifestum languorem percipere coepit. Ex clinicis vestigationibus, quibus infirma submissa erat in valetudinario, detexta est praesentia tumoris maxime invadentis. Itaque condicio eius quoad vitam et quoad valetudinem gra- vissima declarabatur.