VERSALIEN. SEU PARISIEN. 75

atque truculentus parens, filiae sequioris aetatis levique animo natae, serio animo minatur, nisi contrahat, eadem ipsa mala, quae Doctorum sententia, valent ex sese incu- tere metum cadentem in constantem virum. Eiusmodi sunt: eiectio extra paternam domum, exhaeredatio, in monaste- rium detrusio, ac perpetua interdictio alteri nubendi. Si igitur plane constiterit, quod puella matrimonium contrahat, ad huiuscemodi mala praecavenda, tunc communi Iurista- rum ac Theologorum suffragio, matrimonium istud, nullum irritumque decernitur. Quoniam autem huic causae, apprime cohaerent, quae fusiori calamo disserui in causa Coloniensi, anno 1897 coram S. Congr. Conc. agitata; ubi iuris prin- cipia atque Doctorum placita quoad hanc rem, cumulate re- censui; ideo ne actum iterum agam, quod vetamur, inquit Tullius, veteri proverbio, ad illam E E . W. remitto.

Porro, ex hisce praesuppositis principiis, ad praesentem facti speciem collatis, evidenter conficitur nullitas matri- monii, de quo agitur ex capite vis et metus, iamdudum a Versaliensi ac Parisiensi Curiis concorditer definita. Quam quidem sententiam, arbitror veritati esse consonam, idcirco auctoritate apostolica confirmandam.

Ut autem facilius ac evidentius pateat ratio modusque ad huius quaestionis solutionem, operae pretium duco ele- menta congerere, quibus nullo negotio, et certo, dignosci potest natura et valor consensus a Ioanna praestitus. Haec, meo iudicio, sunt utriusque contrahentis, nec non matris Actricis indoles atque mores.

Indoles viri. - Notoria erat mariti efiraenata licentia ; eius enim animus in turpi libidinis coeno haeserat, simul- que ludis ac ebrietatibus iugiter intentus, et licet nobili genere natus, ex diutina tamen rudi um hominum societate, rusticus et ipse, agrestisque evasit. Vel ipsemet R. D. Alph. Débette amicus, et fautor eiusdem viri fatetur quod ille « était d'un caractère emporté, un peu brutal », et quoad mores: « la bonne paraissait très-intime avec Mr. Victor avant le mariage : on disait qu'il s'entendait avec elle ». Dominus