Acta Apostolicae Sedis - Commentarium Officiale234

Qua de sanatione, pro miro habita, a die 16 mensis Maii ad diem 20 mensis

Octobris, anno 2003, in Curia Barcinonensi Inquisitio dioecesana instructa

est, aliis deinceps accedentibus argumentis, quorum vim iuridicam haec Con-

gregatio ratam duxit per decretum die 4 mensis Februarii, anno 2005, latum.

Consilium autem Medicorum, quod apud idem Dicasterium habetur, cum

sederet die 16 mensis Februarii, anno 2006, pronuntiavit sanationem « a nitro

caustico absorbito, quo quidem recta ratione morbus post sectiones gravior

factus est », « celerrimam, perfectam, stabilem » fuisse, eandem vero « ex ho-

diernis artis cognitionibus explicari non posse ». Subsequenti die 13 mensis

Iunii, eodem videlicet anno 2006, Theologi Consultores in Peculiarem conve-

nere Congressum; die autem 26 mensis Ianuarii, subsequenti anno 2007, Con-

gressus alter, nempe ad alia quaedam perscrutanda, habitas est. Posthac die

5 mensis Octobris, eodem anno 2007, Cardinalium Patrum Episcoporumque

Sessio Ordinaria, Exc.mo P. D. Lino Fumagalli, Sabinensi - Mandelensi

Episcopo, Causae Ponente, gesta est. Et in utroque Coetu, tam Consultorum,

quam Cardinalium et Episcoporum, posito dubio an de miraculo divinitus

patrato constaret, responsum affirmativum prolatum est.

Facta postmodum de hisce omnibus rebus Summo Pontifici Benedicto

XVI per infrascriptum Cardinalem Praefectum accurata relatione, Beatissi-

mus Pater, vota Congregationis de Causis Sanctorum excipiens rataque ha-

bens, subsignata die pronuntiavit: Constare de miraculo a Deo patrato per

intercessionem Ven. Servae Dei Ioannae Aemiliae de Villeneuve, fundatricis

Sororum ab Immaculata Conceptione v. d. « de Castres », videlicet de celerrima,

perfecta stabilique sanatione adulescentulae Bintae Diaby a « stenosi faringo -

esofagea complicata da emorragia gastrica per perforazione di ulcera da stress,

con peritonite generalizzata e stato settico associato a sindrome da coagulazione

intravasale disseminata, in paziente in stato terminale ».

Mandavit autem Beatissimus Pater ut praesens decretum publici iuris

fieret et in acta Congregationis de Causis Sanctorum referretur.

Datum Romae, die 17 mensis Decembris A. D. 2007.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis