Acta Apostolicae Sedis - Commentarium Officiale418

Quam ob famam, ab anno 1908 usque ad annum 1913 apud Curiam Nea-

politanam beatificationis et canonizationis Causa inita est per Processus Or-

dinarii celebrationem, quem inter annos 1928 et 1933 Processus Apostolicus

secutus est, quorum auctoritas et vis iuridica a Congregatione de Causis

Sanctorum decreto diei 20 mensis Novembris anno 1940 probatae sunt. Po-

sitione confecta, die 22 mensis Martii anno 1979, in Congressu Peculiari Con-

sultorum Theologorum disceptatum est, iuxta consuetudinem, an Servus Dei

more heroum virtutes christianas exercuisset, de quo, maioribus perscruta-

tionibus quibusdam rogatis, die 14 mensis Iulii anno 2006, prospero cum

exitu sententia relata est. Patres Cardinales et Episcopi in Sessione Ordinaria

diei 5 mensis Februarii anno 2008, audita relatione Excellentissimi Domini

Lini Fumagalli, Episcopi Sabinensis-Mandelensis, Causae Ponentis, professi

sunt Servum Dei Patrem Michaëlangelum Longo a Mariliano, presbyterum

professum ex Ordine Fratrum Minorum virtutes theologales, cardinales iis-

que adnexas in modum heroum coluisse.

Facta postmodum de hisce omnibus rebus Summo Pontifici Benedic-

to XVI per infrascriptum Cardinalem Praefectum accurata relatione, Bea-

tissimus Pater, vota Congregationis de Causis Sanctorum excipiens rataque

habens, subsignata die pronuntiavit: Constare de virtutibus theologalibus Fide,

Spe et Caritate tum in Deum tum in proximum, necnon de cardinalibus Pru-

dentia, Iustitia, Temperantia, Fortitudine eisque adnexis, in gradu heroico, Ser-

vi Dei Michaëlis Angeli Longo a Mariliano (in saec.: Michaëlis Longo), Sacer-

dotis professi Ordinis Fratrum Minorum, in casu et ad effectum de quo agitur.

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 15 mensis Martii A.D. 2008.

Iosephus card. Saraiva Martins

Praefectus

L. e S. e Michaël Di Ruberto

archiep. tit. Biccarensis, a Secretis