Acta Apostolicae Sedis - Commentarium Officiale754

exerceatur. Ad hunc finem consequendum necesse est ut candidati ad

studium sacrae Scripturae introducantur per methodos quae talem

accessum integrum foveant.

c) Verbum Dei et vita consecrata

83. Circa vitam consecratam Synodus praesertim memoravit quod

eadem « a Verbo Dei auscultato exoritur et Evangelium ut vitae normam

accipit ».275 Vita in sequela Christi, casti, pauperis et oboedientis ita fit

vivens « ''exegesis'' Verbi Dei ».276 Spiritus Sanctus, cuius virtute Biblia

scripta sunt, idem est qui illuminat « nova luce Verbum Domini funda-

toribus et fundatricibus. Ex eo emanavit quodlibet charisma eiusque omnis

regula exstat signum »,277 originem dando vitae christianae itinerariis radicali

Evangelii indole signatis.

Memorare quidem velimus quod magna traditio monastica sicut ele-

mentum constituens propriae spiritualitatis meditationem sacrae Scripturae

semper exercuit, maxime sub forma lectionis divinae. In praesens quoque

antiquae et novae realitates specialis consecrationis vocantur ut verae sint

scholae vitae spiritalis in quibus Scripturae secundum Spiritum Sanctum in

Ecclesia sunt legendae, ita ut omnis Dei Populus hac re frui possit. Quam ob

rem Synodus suadet ne in communitatibus vitae consecratae umquam desit

solida formatio circa credentem Bibliorum lectionem.278

Cupimus etiam interpretari diligentiam et gratitudinem quas Synodus

de formis vitae contemplativae protulit, quae per peculiare charisma cotidie

protracta temporis spatia impendunt imitationi Matris Dei quae in corde suo

omnia verba et facta Filii sui assidue conservabat (cfr. Lc 2, 19.51), et Mariae

Bethaniae quae, sedens secus pedes Domini, audiebat verbum illius (cfr.

Lc 10, 38). Mens Nostra praesertim ad monachos et ad moniales clausurae

vertitur, qui a mundo seiuncti penitius sociantur cum Christo, orbis terrarum

corde. Ecclesia quam maxime testificatione indiget eorum qui promittunt

« nihil amori Christi praeponere ».279 Hodierna societas saepe nimis externis

275 Propositio 24. 276 Benedictus XVI, Homilia in Die Internationali Vitae Consecratae dicato (2 Februarii

2008): AAS 100 (2008), 133; cfr. Ioannes Paulus II, Adhort. ap. postsynodalis Vita consecrata

(25 Martii 1996), 82; AAS 88 (1996), 458-460. 277 Congregatio pro Institutis vitae consecratae et Societatibus vitae apostolicae, Instr.

Contemplando il volto (19 Maii 2002), 24: Ench. Vat. 21, n. 447. 278 Cfr. Propositio 24. 279 S. Benedictus, Regula, IV, 21: SC 181, 456-458.